| e-texts navigator |
| Wylie |
254b1 སེམས་དཔའ་སེམས་དཔའ་ཆེ། ། ཉི་མའི་སྙིང་པོ་ཞེས་བྱ་བ།། འཁོར་གྱི་ཚོགས་དང་བཅས་པ་ཞིག། མཆོད་པའི་བཀོད་པ་ཆེན་པོ་དང་།། བསྟོད་པའི་དབྱངས་དང་བཅས་པ་ཡིས།། བཅོམ་ལྡན་འདས་ལ
254b2 མཆོད་པར་བྱས། ། བསྐོར་བ་དུ་མ་བྱས་ནས་ཀྱང་།། ཕྱག་འཚལ་གསང་བསྟོད་ཕྱོགས་གཅིག་མཆོད།། པུས་བཙུགས་ཐལ་སྦྱར་འདི་སྐད་གསོལ།། མགོན་པོའི་ཡོན་ཏན་ཀུན་གྱི་རྒྱལ།། ཡེ་ཤེས་རྨད
254b3 ཀྱི་འབྱུང་གནས་གཙོ། ། ཐར་པའི་ལམ་ཆེན་ཉི་ཤུར་རྒྱལ།། འདྲེན་པ་རྒྱ་མཚོ་ཕྱག་འཚལ་ལོ།། མཚན་དཔེ་མཐར་ཐུག་མེད་པའི་སྐུ།། གཟི་བརྗིད་རྒྱ་ཆེ་མཁའ་ཁྱབ་ལ།། བློ་གྲོས་ཡངས་པའི་ནམ
254b4 མཁའ་ཅན། ། སྐུ་ཡི་གསང་བ་ཕྱག་འཚལ་ལོ།། ཚངས་དབྱངས་དུ་མ་བསམ་མི་ཁྱབ།། ནམ་མཁའ་ཡངས་པའི་མཐའ་བཀང་ནས།། ཚད་མེད་ཡན་ལག་བཅུ་གཉིས་བྱུང་།། གསུང་གི་གསང་བ་ཕྱག
254b5 འཚལ་ལོ། ། ཏིང་འཛིན་རྣམ་ཐར་བསམ་གཏན་སྒོ།། བསམ་ཡས་བསམ་དུ་མེད་བསམ་པས།། བསམ་མི་ཁྱབ་པའི་ཤེས་རབ་དང་།། ཐུགས་རྗེའི་ཐུགས་ལ་ཕྱག་འཚལ་ལོ།། འགྲོ་བའི་ཉོན་མོངས
254b6 འཆིང་གཅོད་པའི། ། མ་རིག་གཡུལ་ལས་རྒྱལ་བྱེད་པ།། ཀུན་རྟོག་དྲ་བ་སེལ་བ་ཡི།། སྒྲོན་མ་དེ་རིང་བཤད་དུ་གསོལ།། བྱིས་རྣམས་མུན་པའི་འོབས་སུ་བྱུང་།། ཉན་ཐོས་འདོད་ཆགས་ཚོགས་ཀྱིས་སྐྲག
254b7 རང་རྒྱལ་གསང་བའི་བཟོད་དང་ལྡན། ། བྱང་ཆུབ་སེམས་དཔའ་འཆིང་བས་འཇིགས།། ཉོན་མོངས་མངའ་བདག་གསང་སྔགས་ལ།། ཤེས་རབ་སྙིང་རྗེའི་སྦྱོར་བ་ཡིས།། བག་ཆགས་བཅས་པ་གཏན
iiif viewer powered by OpenSeadragon
