| e-texts navigator |
| Wylie |
248a1 སྦྱོང་བླངས་ནས་སྨྱུང་བ་ཡིས། ། སྐྱ་སྔར་མེ་ཏོག་བརྒྱ་རྩ་བརྒྱད།། སྔགས་རེ་བརྗོད་པས་སྐུལ་བརྡེག། དེ་ཚེ་མདུན་ཞལ་རྩ་བནས།། འབྲུག་སྒྲ་ཆེན་པོ་ལྟ་བུ་འབྱུང་།། ས་ཆེན་རབ་ཏུ
248a2 གཡོ་བར་འགྱུར། ། དེ་ཚེ་བདག་ཉིད་མི་སྐྲག་པར།། སྔགས་བསྒྲུབ་རྗེས་སུ་ཟན་བྱ་སྟེ།། བྱང་ཆུབ་སེམས་དཔའ་སེམས་དཔའ་ཆེ།། མགོན་པོ་སྤྱན་རས་གཟིགས་དབང་ཕྱུག། ཐུགས་རྗེ་ཆེ་དང་ལྡན
248a3 པ་ལ། བདག་ཉིད་གུས་པས་ཕྱག་འཚལ་ལོ།། བདག་རི་སེམས་ཅན་ཐམས་ཅད་ཀྱི།། མགོན་སྐྱབས་རེ་གནས་གྱུར་ནས་ཀྱང་།། འགྲོ་བ་ཀུན་གྱི་རི་འདོད་རྣམས།། ཚུལ་བཞིན་དུ་ནི་སྐོང་བར་ཤོག།
248a4 དེ་ཚེ་འདོད་པ་སྩལ་པ་ལ།། ལྷ་གླུ་ཚོགས་ཀྱིས་བར་ཆད་མེད།། སྔགས་ཀྱི་འདོད་དོན་ཀུན་གྲུབ་ཡ་ནི།། བསོད་ནམས་རྫོགས་བྱེད་སྨོན་ལམ་མོ།། ཕྱག་འཚལ་རྟེན་ལ་སྐོར་བ་དང་།། མཆོད་རྟེན་རྩིག
248a5 ཅིང་དཀྱིལ་འཁོར་ནི། ། རྣལ་འབྱོར་ཡན་ལག་ལས་ལྡན་པས།། བདག་དང་གཞན་གྱི་དོན་གྱི་ཕྱིར།། རྒྱུན་ཆད་མེད་པར་བརྩོན་པ་ན།། དགེ་བྱེད་སྨོན་ལམ་རྒྱས་པ་ནི།། དེ་དག་མྱུར་དུ་འབྱུང་བར་འགྱུར།།
248a6 དེ་ཕྱིར་སྨོན་ལམ་མཆོག་ཏུ་བཤད།། གང་ལ་དགེ་སྦྱོང་གཡེལ་བ་ཡིས།། ལེ་ལོ་ཅན་ནི་བདུད་བཟུང་ནས།། གྱ་ཚོམ་སྨྲ་ཞིང་ཆོས་ལ་སྨོད།། བསྟན་པ་འཇིག་པར་བྱེད་པར་འགྱུར།། དེ་ཕྱིར་དམངས།
248a7 རིགས་གདོལ་པ་ཅན།། ལོང་སྤྱོད་ཅན་ནི་རིང་དུ་སོང་།། སེར་སྣ་ལེ་ལོ་ང་རྒྱལ་ཅན།། བག་མེད་གཡེང་དང་བཅས་པ་ནི།། བདུད་ཀྱི་འཆིང་ལམ་ལོག་ལམ་པ།། ཞུགས་དང་སླར་ལ་གཏང་བར་བྱ།།
iiif viewer powered by OpenSeadragon
