| e-texts navigator |
| Wylie |
247a1 ནས་ནི་རྣམ་གཡོས་ནས། ། ཟས་སྐོམ་རྒྱུན་ཆད་མེད་པར་ཤོག། སྤྱན་རས་གཟིགས་མགོན་ཕྱག་འཚལ་ལོ།། གང་དུ་འཁྲུག་པ་ཆེ་འབྱུང་ཚེ།། རང་དབང་གིས་ནི་སེམས་གྱུར་ནས།
247a2 བདེ་བས་ཕན་ཚུན་སྡུམ་པར་ཤོག། སྤྱན་རས་གཟིགས་མགོན་ཕྱག་འཚལ་ལོ།། བྱོལ་སོང་གཅིག་ལ་གཅིག་ཟ་དང་།། ཟས་སྐོམ་དཀོན་དང་གཞན་འཇིགས་ཚེ།། དེ་དག་སེལ་བའི་སྐྱབས་གྱུར་ཅིག།
247a3 སྤྱན་རས་གཟིགས་མགོན་ཕྱག་འཚལ་ལོ།། ཡི་དགས་ཟས་སྐོམ་གདུངས་པ་དང་།། ལོག་པར་ལྟ་བའི་གནས་ཞུགས་ཚེ།། ནད་བྲལ་བདུད་རྩི་ཀུན་སྣང་ཤོག། སྤྱན་རས་གཟིགས་མགོན་ཕྱག་འཚལ་ལོ།།
247a4 འགྲོ་བའི་སྐྱབས་དང་ཐབས་མཁས་དང་།། ཤེས་རབ་གྲུ་དང་ལྡན་ནས་ཀྱང་།། ཐབས་ཀྱི་སྡུག་བསྔལ་གྲོལ་བར་ཤོག། སྤྱན་རས་གཟིགས་མགོན་ཕྱག་འཚལ་ལོ།། ཚུལ་ཁྲིམས་ཞགས་ལྡན་ལམ་ལ་རྟག།
247a5 མྱ་ངན་འདས་པའི་རི་བོ་འཛེག། འདུས་མ་བྱས་ཀྱི་ཁྱིམ་འཇུག་ཤོག། སྤྱན་རས་གཟིགས་མགོན་ཕྱག་འཚལ་ལོ།། ངན་སོང་གནས་རྣམས་མཐོང་ནས་ཀྱང་།། དེར་ཕྱིན་དེ་རྣམས་ཟད་པ་ཡི།། གཉེན
247a6 པོ་སོ་སོར་འབྱུང་བར་ཤོག། སྤྱན་རས་གཟིགས་མགོན་ཕྱག་འཚལ་ལོ།། དམྱལ་རྣམས་ཚ་གྲང་བཅད་གཏུབས་ཚེ།། གོ་ཆ་ཆེ་དང་བསིལ་གྲི་བ་དང་།། དྲོད་ཀྱི་འོད་དུ་འགྱུར་བར་ཤོག། རིག་སྔགས
247a7 ཡང་ཡང་བརྗོད་པ་ཡིས། ། ཡང་དག་ལམ་ཉིད་རྟོགས་པར་ཤོག། ཀུན་འབྱུང་ས་བོན་རུལ་ནས་ནི།། སྡུག་བསྔལ་ཕུང་པོ་སྐམ་པར་ཤོག། མགོན་པོ་མྱ་ངན་འདས་ཐོབ་ནས།། འཇིག་རྟེན་ཕྱོགས
iiif viewer powered by OpenSeadragon
