| e-texts navigator |
| Wylie |
246b1 སྤྱན་རས་གཟིགས་ཀྱི་དཀྱིལ་འཁོར་བནྡྷ།། འཇིག་རྟེན་དབང་གི་དཀྱིལ་འཁོར་ལྔ།། རིག་པའི་ལྷ་མོའི་དཀྱིལ་འཁོར་ལྔ།། རྡོ་རྗེ་ཁྲོ་བོའི་དཀྱིལ་འཁོར་བདུན།། དཀྱིལ་འཁོར་དེ་དག་རེ་རེ་ལ།། སེམས
246b2 ཀྱི་དཀྱིལ་འཁོར་ལྷ་མང་སྟེ། ། རང་བཞིན་གྱིས་ནི་ཉི་ཤུ་ལྔ།། རྒྱུ་འབྲས་ཚུལ་དུ་རྣམ་པ་དགུ།། ཡེ་ཤེས་ཚལ་ལྔ་ཡིན་ཏེ།། ཆོས་ཉིད་ངོ་བོས་གཅིག་ཏུ་རྒྱལ།། གང་གང་མོས་པ་དེ་དང་དེའི།། དཀྱིལ
246b3 འཁོར་རྣམ་པར་སྤྲོ་བ་འམ། ། གཅིག་ཏུ་མོས་པའི་སྦྱོར་བ་ཡིས།། བྱང་ཆུབ་རྡོ་རྗེ་མཆོག་ཐོབ་ནས།། ཁམས་གསུམ་རྒྱལ་པོར་ལོངས་སྤྱོད་ཆེ།། ཆོས་ཀྱི་འཁོར་ལོ་སྐོར་བར་འགྱུར།། གཙང་སྦྲ་ཆེ་ཞིང
246b4 ད་སེམས་ཅན། ། རྩེ་གཅིག་སྒྲུབ་ལ་ནན་ཏན་རྩོལ།། བློ་བཟང་འགྲོ་ལ་འཇུག་ཅིང་སྤྱོད།། ངག་སྙན་ངང་གིས་ཁྲོ་བ་མེད།། གཡོ་སྒྱུ་འདོད་བརྐམ་གཡེང་བ་མེད།། ལུས་ངག་དལ་ཞིང་ཐོས་པ་མང་།། ང་རྒྱལ
246b5 སར་སྣ་ཆགས་པ་མེད། ། གཏོང་ཕོད་སྙིང་རྗེ་དྲག་ལྡན་པས།། སྤྱན་རས་གཟིགས་ལ་གང་དམིགས་ནས།། དེ་ཡི་སྙིང་པོ་རྩ་སྔགས་ལ།། བར་ཆད་མེད་པས་རབ་བརྗོད་ནས།། གཞན་ལ་ཕན་ཕྱིར་སྨོན་ལམ
246b6 བརྗོད། ། སྤྱན་རས་གཟིགས་མགོན་ཕྱག་འཚལ་ལོ།། གང་ལ་འཇིགས་པ་བརྒྱད་སྣང་ཚེ།། ཁྲོ་བོ་ཆེན་པོའི་རྫུ་འཕྲུལ་གྱིས།། དེ་དག་མྱུར་དུ་སེལ་བྱེད་ཤོག། སྤྱན་རས་གཟིགས་མགོན་ཕྱག་འཚལ་ལོ།།
246b7 གང་ཡན་ད་རམས་གང་བྱུང་ཚེ།། གསོ་དཔྱད་སྨན་དང་སྨན་པར་ནི།། བདག་ཉིད་གྱུར་ནས་མྱུར་སེལ་ཤོག། སྤྱན་རས་གཟིགས་མགོན་ཕྱག་འཚལ་ལོ།། མུ་གེའི་ནང་དུ་འབྱུང་འགྱུར་ཚེ།། ཕྱོགས་གཅིག
iiif viewer powered by OpenSeadragon
