| e-texts navigator |
| Wylie |
244a1 ཉུང་ངུ་མུག་ཚུལ་རྒྱུན་སྩོལ་ན།། ཟས་སྐོམ་དག་གིས་གདུངས་པ་ཡི།། ཡི་དགས་དམན་པའི་རིགས་སུ་ནི།། ཡང་ནས་ཡང་དུ་སྐྱེ་བར་ངེས།། དེ་ཕྱིར་དེ་དག་སྤངས་ནས་ནི།། ཡ་རབས
244a2 བསམ་པ་བཟང་ལྡན་པས། ། ཚུལ་བཞིན་བླངས་ཏེ་ཐོས་བསམ་གྱིས།། གཏན་ལ་ཕབ་དོན་མ་འཁྲུལ་བར།། རྗོད་ཅིང་ཡིད་ལ་བྱེད་པ་དང་།། ཐེ་ཙོམ་མེད་པར་བརྩོན་བྱེད་པས།། འགྲོ་ཚོགས་སྒྲོལ
244a3 བྱེད་ཐབས་ཐོབ་ན། ། རང་དོན་འབའ་ཞིག་སྨོས་ཅི་དགོས།། དེ་ནས་ལག་ན་རྡོ་རྗེ་གཙོ།། ཡེ་ཤེས་མཐའ་ཡས་མངའ་བའི་སྐུས།། འགྲོ་ལ་སྙིང་བརྩེར་རབ་གཟིགས་ནས།། གསང་བའི་སྐད་ཀྱིས་འདི
244a4 སྐད་གསུངས། ། ང་ལས་མཉན་པར་བརྩོན་བྱེད་པ།། ཤིན་ཏུ་ལེགས་སོ་ལྷ་ཡི་བུ།། ལྷ་དང་དངོས་གྲུབ་འབྱུང་འབྲེལ་བའི།། ཏིང་འཛིན་ང་ཡིས་བཤད་པར་བྱ།། ཁྱོད་ཉིད་རྩེ་གཅིག་ཡིད་ཀྱིས
244a5 ནི། ། ལེགས་པར་ཉོན་ལ་ཡིད་ལ་ཟུང་།། ཤིན་ཏུ་ཟབ་ཅིང་རྒྱ་ཆེ་བའི།། དམ་ཆོས་ཐོབ་པ་ཤིན་ཏུ་དཀའ།། རྒྱུན་ཆད་མེད་པའི་ཐུགས་རྗེ་ཅན།། སྤྱན་རས་གཟིགས་དབང་མགོན་པོ་གཙོ།། རང་གི
244a6 སེམས་ལ་བསྐྱེད་པར་བྱ། ། ཤིན་ཏུ་གསལ་ན་དངོས་གྲུབ་འགྱུར།། དང་པོ་སྟོང་པའི་བྱང་ཆུབ་སེམས།། གཉིས་པ་ཡི་གེའི་བྱང་ཆུབ་སེམས།། གསུམ་པ་སྒྲོ་བཏགས་མིང་ཚོགས་སེམས།། བཞི
244a7 པ་གཟུགས་བརྙན་ཕྱག་རྒྱའི་སེམས། ། ལྔ་པ་བྱིན་བརླབས་རྒྱས་འདེབས་སེམས།། སྒྲ་དང་བྲག་ཆའི་ཚུལ་འབྱུང་བར།། གཙོ་བོའི་འཁོར་གྱི་ཁྱད་པར་གསོལ།། དབུས་སུ་ཡི་གེ་ཨོཾ་ལ་སྟེ།། ཤར་དུ་ཧཱུཾ་སྟེ
iiif viewer powered by OpenSeadragon
