| e-texts navigator |
| Wylie |
243a1 སྦྱར་ས། ། རིགས་འཆངས་དང་རིགས་གསལ་ས།། རིགས་མཆོག་ས་དང་རིགས་ཆེནས།། ཕྱག་རྒྱ་ཆེན་པོའི་ས་རྣམས་སོ།། གཙུག་ཏོར་ཆེན་པོའི་སངས་རྒྱས་ས།། གནས
243a2 སྐབས་དྲུག་ཏུ་རྒྱལ་བས་གསུངས། ། ཀུན་ཏུ་འོད་དང་པདྨའི་སྤྱན།། ཡི་གེ་འཁོར་ལོ་ཚེགས་ཆེནས།། རྡོར་འཆང་ཡེ་ཤེས་བླ་མའི་ས།། རྫོགས་སངས་བདེ་བ་ཆེན་པོའི་ས།། ས་ཡི་སྙིང་པོས་གསོལ་པ།
243a3 མགོན་པོ་འཕགས་པ་ཐུགས་རྗེའི་སྤྱན་རས་གཟིགས་དབང་ཕྱུག། བྱིན་རླབས་ལྕགས་ཀྱུ་ལྟ་བུས་འཁོར་བའི་བཙོན་ར་ནས།། ཀླུ་ཕྱུགས་འབུམ་ཕྲག་དྲང་ལྟར་དགེ་བ་ཀུན་སློང་གིས།། བྱང་ཆུབ་རིན་ཆེན་ས་ལ
243a4 འཇོག་མཛད་ངོ་མཚར་ཆེ། ། འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས།། བྱིན་རླབས་འབྱུང་བའི་ལེའུ་སྟེ་དྲུག་པའོ།། ། དེ་ནས་ཚངས
243a5 པའི་འཛིན་རྟེན་དུ། ། རབ་དགའི་ཚུལ་དུ་འཁྲུངས་པའི་ལྷ།། ཏིང་འཛིན་ཡངས་པ་ཞེས་བྱ་བ།། རྟོགས་པ་རྒྱ་ཆེ་ཟབ་པ་ཞིག། འཁོར་དང་བཅས་པ་བཞེངས་བྱས་ཏེ།། མེ་ཏོག་རིན་ཆེན་རིགས་བྱུང་བ།། སྟོན་པའི
243a6 ཕྱོགས་སུ་ཆར་བཞིན་ཕབ། ། མཁའ་ལ་གདུགས་ཀྱི་བླ་རེ་བཀང་།། འཁོར་དང་བཅས་པ་མགྲིན་གཅིག་ཏུ།། གསང་བསྟོད་ནས་ནི་ཚིག་འདི་གསོལ།། ལག་ན་རྡོ་རྗེ་རྡོ་རྗེ་འཆང་།། རྡོ་རྗེ་ཐག་པ་བླ་མེད་པའི།།
243a7 རྡོ་རྗེ་རིག་འཛིན་མཆོག་གྲུབ་པ།། རྡོ་རྗེ་རྣལ་འབྱོར་ལས་བྱུང་ཕྱིར།། བདག་དང་སེམས་ཅན་ཀུན་ཏུ་ཡང་།། དངོས་གྲུབ་འབྱུང་རིམ་བཤད་དུ་གསོལ།། ལ་ལ་གཡེང་བར་གྱུར་པ་ཡིས།། བླ་མའི་རྒྱུད་དོན
iiif viewer powered by OpenSeadragon
