| e-texts navigator |
| Wylie |
227b1 དེ་བཞིན་དུ་ནི་བསམ་པར་བྱ།། ལྕེ་ཡི་སྟེང་དུ་ཡི་གེ་མཆོག། ཧྲཱིཿཡིག་དམར་པོ་འོད་ལྡན་བསམ།། སྙིང་གི་ཕྱོགས་སུ་ཧཱུཾ་སྔོན་པོ།། ལྟེ་བར་ཧ་ཡིག་སེར་པོ་སྟེ།། དེ་བཞིན་གསང་བར་ཧོ་ལྗང་ཁུ།། བཤང་བའི་གནས་སུ
227b2 ཚེ་སྔོན་པོ། ། པུས་མོ་གཉིས་ལས་སེར་སྐྱ།། རྐང་མཐིལ་ཡི་གེ་ཧ་ལྗང་སེར།། ལག་མཐིལ་གཉིས་ལ་ཧཱུཾ་དཀར་པོ།། ལག་ངར་ལ་ནི་ཧྲཱི་སྔོན་ཏེ།། དཔུང་པར་ཡི་གེ་ཧཱུཾ་བཀོད་བྱ།། ཡི་གེའི་ཚོགས་ཀྱིས་བྱིན་བརླབས་ནས།།
227b3 གང་དང་གང་ཡང་རུང་བ་ཡི།། རྩོལ་བ་རྣམས་ལ་འཇུག་པར་བྱ།། རྩོལ་བ་དེ་དང་དེ་དག་ཀྱང་།། སྔགས་ཀྱི་བྱིན་རླབས་ལས་བརྩལ་ཞིང་།། ལུས་ཀྱང་སྔགས་ཀྱི་ངོ་བོ་ཉིད།། སྔགས་ཀྱིས་བསྐྱེད་པའི་ལུས་ཉིད་ནི།། སྔགས
227b4 དང་བཅས་པའི་ལུས་སུ་འགྱུར། ། སྔགས་ཀྱི་ལུས་ཀྱི་རིགས་རྣམས་ཀྱིས།། ཞིང་ཁམས་དུ་མ་སྦྱངས་ནས་ཀྱང་།། འགྲོ་བ་རྣམས་ཀྱི་ལུས་སུ་ནི།། འགྲོ་བ་གྲོལ་བའི་སྤྱོད་པ་ནི།། ཀུན་བཟང་མཆོག་དང་མཚུངས་པ་སྟེ།།
227b5 འགྲོ་དང་དབྱེར་མེད་དོན་རིག་འགྱུར།། དོན་དེ་མ་ལུས་ཐོབ་པའི་ཐབས།། ངག་གི་རིག་པར་གྱུར་པ་ཡིས།། རིག་འཛིན་ཞེས་བྱའི་དངོས་པོ་སྟེ།། དེ་ལ་གང་གནས་དེ་ཡི་མིང་།། རིག་པ་འཛིན་པ་ཞེས་བྱ་སྟེ།། སངས་རྒྱས
227b6 མུ་སྟེགས་པས་མི་ཤེས། ། ལྷག་དང་བཅས་པའི་རྩོམ་པ་ནི།། ཤིན་ཏུ་ངལ་བ་ཉིད་ཡིན་ཏེ།། ངལ་བ་ཉིད་ཀྱིས་གོས་པའི་ལམ།། བགྲོད་པར་དཀའ་བ་དེ་སྤངས་ནས།། ཤིན་ཏུ་བགཡངས་བདེ་བའི་ལམ།། སྐལ
227b7 དམན་ཡང་དག་སྒྲུབ་འདི་ལ། ། ནན་ཏན་དུ་ནི་འཇུག་པར་བྱ།། སྟོན་པས་དེ་སྐད་གསུངས་པའི་ཚེ།། འཁོར་རྣམས་དགའ་ནས་ཐལ་སྦྱར་ཏེ།། མཁའ་ལ་མེ་ཏོག་གཏོར་ནས་ཀྱང་།། མགོན་པོ་སྤྱན་རས་གཟིགས
iiif viewer powered by OpenSeadragon
