| e-texts navigator |
| Wylie |
227a1 རབ་ལྡན་པའི་མི། ། རྩ་བའི་གསང་སྔགས་གང་ལ་ཡང་།། ནན་ཏན་རྩེ་གཅིག་ཏུ་བརྗོད་ན།། དེ་ཡིས་ཐམས་ཅད་འགྲུབ་པར་འགྱུར།། གང་ཞིག་དད་པའི་ལྕགས་ཀྱུ་དང་།། བློ་ཡིར
227a2 པབར་ལྡན་པ་ལ། ། ལྷ་ཀླུ་འབུམ་ཕྲག་མཐུས་སྐྱོབ་ཅིང་།། དཀར་པོ་དགེ་བ་ཀུན་སློང་སེམས།། བྱང་ཆུབ་རིན་ཆེན་གཏེར་ཐོབ་པར།། སྔགས་ཀྱི་མཐུས་ནི་མཛད་པ་སྟེ།། སྔགས་ལ་ཉེས་དང་མེད་པ་ལ།།
227a3 བསྟན་ན་རང་ཉིད་ཉམས་པར་འགྱུར།། འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས། རིགས་ཀྱི་ཁྱད་པར་གྱི་སྔགས་བྱུང་བའི་ལེའུ་སྟེ་གསུམ་པའོ།། །
227a4 ། དེ་ནས་ཡང་དག་བཤད་བྱ་བ།། ཕྱོགས་བཅུའི་སངས་རྒྱས་བསྡུས་པའི་དངོས།། འཇིག་རྟེན་མགོན་པོ་བཅུ་ཡི་དང་།། སྟོབས་བཅུ་རྒྱས་པའི་རང་བཞིན་ཅན།། ཕ་རོལ་ཕྱིན་བཅུ་ལྷུན་གྲུབ་པ།། ས
227a5 བཅུ་གཅིག་ཏུ་རྫོགས་ནས་ཀྱང་། ། ཕྱོགས་བཅུ་ཀུན་ཏུ་ཁྱབ་མཛད་པའི།། བཅུ་གཅིག་པ་ཡི་མཚན་ཉིད་ཡིན།། བསོད་ནམས་སྐལ་བར་ལྡན་པའི་མིས།། རང་གི་ལུས་ལ་སྔགས་དགོད་བྱ།། སྔགས་དང་བཅས་པའི
227a6 ལུས་ལ་ནི། ། སྲེད་མེད་དབུས་ཀྱང་མི་ཚུགས་ན།། འཇིག་རྟེན་གཞན་ལྟ་སྤོས་ཅི་དགོས།། བྱད་དང་ཤ་ཟ་རོ་ལངས་དང་།། འབྱུང་པོ་མཚོན་དང་གྲིབ་གནོན་དང་།། ལྷས་ངན་རྣམས་ནི་མྱུར་དུ་སེལ།། བླ་མ་ལས་བྱུང
227a7 རིམ་པས་ནི། ། མྱུར་དུ་ཐ་མེད་བྱང་ཆུབ་འགྱུར།། བླ་མའི་ལུང་དང་བྲལ་བས་ནི།། ནམས་ཀྱང་འགྲུབ་པར་མི་འགྱུར་རོ།། སྤྱི་བོར་ཡི་གེ་ཨོཾ་དཀར་པོ།། ནན་ཏན་དུ་ནི་བསམ་པར་བྱ།། དཔྲལ་བར་ཡི་གེ་ཨ་ལཱ་ཝ།།
iiif viewer powered by OpenSeadragon
