| e-texts navigator |
| Wylie |
218a1 བཅུར་བཞུགས་པའི་རྒྱལ་དབང་པོ། ། མགོན་པོ་སྤྱན་རས་གཟིགས་དབང་ཀུན།། རང་རང་གནས་ནས་གཤེགས་ནས་བྱོན།། འགྲོ་བ་ཐུགས་བརྩེ་ཆེན་པོ་ཡིས།། སྙིང་པོ་བྱིན་རླབས་ལྡན་ལ་གསོལ།།
218a2 རྨད་དུ་བྱུང་བའི་སྙིང་པོ་ལ།། ཕྱོགས་བཅུའི་རྒྱལ་བ་སྲས་བཅས་དང་།། རིག་པ་འཛིན་རྣམས་འཐུན་པར་དགྱེས།། འོན་ཀྱང་འགྲོ་མང་གཟུང་བ་དང་།། དངོས་གྲུབ་ཐམས་ཅད་མྱུར་བ་དང་།། སྙིང་པོ་མཐུ་དང་ལྡན་པའི་ཕྱིར།།
218a3 མགོན་པོ་ཐུགས་རྗེ་ཆེ་རྣམས་ཀྱི།། བྱིན་རླབས་ལྡན་པ་རྩ་བའི་སྔགས།། འདྲེན་པ་དེ་རིང་བཤད་དུ་གསོལ།། རིག་སྔགས་ཉི་མ་ཟླ་བའི་འོད།། རྩ་བའི་སྔགས་ཀྱིས་སྤྲིན་བྲལ་བྱེད།། འགྲོ་བ་ཐུགས་བརྩ་མཛད་པ་དང་།། བདག
218a4 ལ་ཕན་པའི་དོན་སླད་དུ། ། རྒྱལ་བ་མྱ་ངན་ཀུན་བྲལ་བས།། རྩ་བའི་གཟུངས་སྔགས་བཤད་དུ་གསོལ།། དེ་ནས་བཅོམ་ལྡན་ཐུབ་པ་ཆེས།། སྡིག་ཀུན་མྱུར་སྒྲོལ་བྱ་བ་ཡི།། ཏིང་ངེ་འཛིན་ལ་སྙོམས་ཞུགས་ནས།།
218a5 སྐུ་གསུང་ཐུགས་ཀྱི་ཐུགས་རྗེ་ལས།། སྤྱན་རས་གཟིགས་དབང་སེང་གེའི་སྒྲ།། རྩ་བའི་རིག་སྔགས་འདི་གསུངས་སོ།། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ
218a6 ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ཀ་ཊེ་བི་ཀོ་ཊེ། ནི་ཀ་ཊེ། ཊི་ཀ་ཊེ། ཀ་ཊི་ཀ་ཊེ། ཀ་རོ་ཊི་བཱིརྱ་སྭཱ་ཧཱ། ཡོན་ཏན་ཡེ་ཤེས་ཚོགས་རྣམས་ཀུན།། རིག་སྔགས་འདིས་ནི་ངེས་པར་སྐྱེད།། ཁྱད་པར་དུ་ནི་མཛེ་ནད་ལ།། རྫ
218a7 ལས་བྱུང་བའི་མེ་བཞིན་ནོ། ། རྟོག་ལྡན་རྣམ་ཤེས་བརྒྱད་ཀྱི་གཞི།། སྦྱོར་ཕྱིན་མཎྜལ་ལྷམ་པ་བརྒྱད།། བ་སེར་སྐྱ་ཡི་བདུད་རྩིས་བྱུགས།། ཡན་ལག་བཅུ་གཉིས་མགོར་བཅས་པའི།། སྔགས་གྲངས་བྱིན་གྱིས་བརླབས་བྱུགས
iiif viewer powered by OpenSeadragon
