| e-texts navigator |
| Wylie |
217b1 རིག་སྔགས་ལེན་ཅིང་འཛིན་པ་དང་།། རྒྱུན་དུ་འདོན་དང་ཡིད་ལ་བྱེད།། འཇིག་རྟེན་མགོན་པོ་སྤྱན་རས་གཟིགས།། དཀྱིལ་འཁོར་ཆེན་པོའི་ཚོགས་འདི་རྣམས།། གང་གིས་ཡིད་ལ་བྱེད་པའམ།། ཡང་ན་ཇི་ཙམ་དྲན་ཡང་རུང་།།
217b2 དགེ་ལྡན་རིགས་ཀྱི་བུ་དེ་ནི།། ཕྱོགས་བཅུའི་རྒྱལ་བ་རྣམས་ཀྱི་སྲས།། བྱང་ཆུབ་སེམས་དཔའ་རྣམས་ཀྱི་བཤེས།། རིག་པའི་ལྷ་མོ་རྣམས་ཀྱི་ཡབ།། བྱིས་པ་རྣམས་ཀྱི་གཉེན་ཡིན་ཏེ།། བདག་ཅག་རྣམས་ནི་དེ་ཡི་བབངས།།
217b3 སྐྱེས་བུ་ཁྱུ་མཆོག་ཆེན་པོ་སྟེ།། བསོད་ནམས་རྣམས་ཀྱི་གཏེར་ལྡན་ཞིང་།། དེ་ཡི་ཚུལ་ཁྲིམས་རལ་བ་མེད།། མི་དེ་སྐྱེ་བ་དོན་ཡོད་དེ།། ལྷ་གནས་དགའ་གནས་སྤུ་གསེབ་ཏུ།། ཡེ་ཤེས་འོད་ཟེར་བདུད་རྩི་འཛུད།། འཇིག་རྟེན་འདི
217b4 ཡི་ནད་རིགས་དང་། ། གདོན་རིགས་ཇི་སྙེད་ཡོད་པའམ།། རིག་སྔགས་བྱེད་སྟེམས་མ་ལུས་པ།། དེ་ལ་ཚུགས་པར་མི་འགྱུར་རོ།། ཆོ་ག་བཞིན་དུ་སྤྱད་པ་ཡིས།། ཚངས་པའི་ཚེ་ཚད་གནས་ནས་ཀྱང་།། ཤི་བ་སེམས་བརྒྱལ་མེད་པར
217b5 ནི། ། གནས་འཕོ་ཚུལ་གྱིས་མཐོ་རིས་འཇུག། རྒྱལ་བའི་ཞིང་དུ་གཤེགས་ནས་ཀྱང་།། རྒྱལ་བ་རྣམས་ལ་ཆོས་ཉན་ཅིང་།། རྒྱལ་སྲས་རྣམས་དང་སྟབས་གཅིག་ཏུ།། སྟོབས་དང་མི་འཇིགས་ཀུན་བསྙེས་ཏེ།། མཚན་དང
217b6 དཔེ་བྱད་ལྡན་གྱུར་ནས། ། སྐད་ཅིག་གློག་འགྱུ་ཇི་བཞིན་དུ།། འགྲོ་བ་མ་ལུས་དག་བྱེད་ཅིང་།། ཞིང་རྣམས་མ་ལུས་དག་པར་བྱེད།། འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས།
217b7 ལྷ་བྱུང་བའི་ལེའུ་སྟེ་གཉིས་པའོ།། ། དེ་ནས་ལག་ན་རྡོ་རྗེ་འཛིན།། བཞེངས་ཏེ་ཐལ་སྦྱར་ཐུབ་པ་ལ།། ཕྱག་འཚལ་ཕྱོགས་སུ་འཁོད་ནས་ནི།། གསང་བ་བསྟོད་ནས་ཚིག་འདི་གསོལ།། ཕྱོགས
iiif viewer powered by OpenSeadragon
