| e-texts navigator |
| Wylie |
213a1 ཐུབ་པ་ཆེ། ། མགོན་པོ་ཡང་དག་རྫོགས་སངས་རྒྱས།། སྣ་ཚོགས་སྣང་བ་ཞེས་བྱ་བའི།། ཏིང་ངེ་འཛིན་ལ་སྙོམས་ཞུགས་ནས།། ཡན་ལག་ཆ་ཤས་ཐམས་ཅད་ལས།། འོད་ཟེར་སྣ་ལྔ་བྱེ་བ་ཕྲག། དྲུག་ཅུ་དྲུག
213a2 ཅུའི་མཐའ་གཞལ་བ། ། གྲངས་མེད་དག་ནི་བཀྱེ་བར་མཛད།། ཞིང་ཁམས་གྲངས་མེད་བདུན་གྱི་མཐའ།། ཕྱོགས་བཅུ་མ་ལུས་ཐམས་ཅད་དུ།། བོད་ཀྱིས་གང་ནས་བོང་དེ་ལས།། སྙན་པའི་ཚིགས་བཅང་འདི་སྣང་ངོ་།། སངས་རྒྱས
213a3 དང་ནི་ཆོས་ལ་བརྙས་པ་སྤངས། ། ལེ་ལོ་ཆེ་དང་སྤྱོད་པ་མཆོག་འཛིན་སྤངས།། འགྱོད་དང་ཆོས་ལ་མ་ངེས་འབྱེད་པ་སྤངས།། ང་རྒྱལ་ཆེ་དང་འདོད་ཆགས་སྤྱོད་པ་སྤངས།། འགྲོ་རྣམས་མེད་ན་བྱང་ཆུབ་ལམ་མེད་དེ།། འགྲོལ
213a4 བརྟེན་ནས་བྱང་ཆུབ་ཆེ་ཐོབ་འགྱུར། ། བྱང་ཆུབ་ཆེ་ལ་མ་ཐུགས་རྗེ་ཆེན་པོ་སྟེ།། འགྲོ་རྣམས་མེད་ན་གང་ལ་སྐྱེ་བར་འགྱུར།། དེ་སྐད་གྲགས་པའི་དེ་མ་ཐག། ཕྱོགས་བཅུའི་ཞིང་བཞུགས་སངས་རྒྱས་སྲས།། བརྗོད་ཀྱིས་མི་ལང་གཙོ
213a5 བོ་མཆོག། སྤྱན་རས་གཟིགས་དབང་གྲགས་མེད་གཙོ།། ཐམས་ཅད་འཁོར་དང་བཅས་པ་རྣམས།། མི་མཇེད་ཞིང་འདིར་ལྷགས་པར་གྱུར།། འདི་ནས་ཤར་ཕྱོགས་ཞིང་ཁམས་ནི།། གྲངས་མེད་བདུན་གྱི་མཐའ་ཉིད་ནས།།
213a6 ཞིང་ཁམས་སེང་གེ་སྤུངས་པར་ནི།། སངས་རྒྱས་སེང་གེ་རོལ་པ་ཡི།། དྲུང་དུ་བྱང་ཆུབ་སེམས་དཔའི་གཙོ།། སྤྱན་རས་གཟིགས་དབང་སེང་གེའི་སྒྲ།། མདོག་དཀར་ཤེལ་གྱི་རི་འདྲ་བ།། བྱང་ཆུབ་སེམས་མཆོག་བྱེ་བ་ཕྲག
213a7 བཅུ་དང་ལྷན་ཅིག་མཁའ་ལ་གཤེགས། ། གློག་འགྱུར་བཞིན་དུ་ཞིང་འདིར་བྱོན།། བཅོམ་ལྡན་མགོན་པོ་ཐུབ་པ་ལ།། ཕྱག་འཚལ་བསྐོར་བ་དུ་མ་བྱས།། འདབ་མ་སྟོང་དང་ལྡན་པ་ཡི།། དངུལ་གྱི་མེ་ཏོག་དུ་མས་གཏོར།
iiif viewer powered by OpenSeadragon
