| e-texts navigator |
| Wylie |
211b1 སྟོང་དང་བརྒྱད་དང་བཅུ་གཅིག་དྲུག་དང་གཅིག། བྱམས་པའི་ཞལ་བཟང་མངའ་བའི་མགོན་ལ་ཕྱག་འཚལ་ལོ།། སྤྱན་མའིའོ།། ཨོཾ། རབ་དགྱེས་ཞལ་མདོག་བུམ་ཅིར་ཡང་འགྱུར།། ལ་ལ་བྱམས་པ་སྙིང
211b2 རྗེ་དགའ་བའི་ཞལ། ། ལ་ལ་འདོད་རྨོངས་སེར་སྣ་ཆེན་པོའི་ཞལ།། ཁྲོ་སྡང་གཏུམ་ཆགས་ལྷ་ལྡན་ཕྱག་འཚལ་ལོ།། མཱ་མ་ཀཱིའོ།། ཨོཾ། ཕྱོགས་བཅུའི་སངས་རྒྱས་དབང་བསྐུར་རྫོགས་པའི་ཞལ།། གཏན
211b3 བ་མེད་པའི་མཆོད་སྦྱིན་རྒྱལ་པོའི་ཕྱག། མཛད་པ་གྲངས་མེད་ཆུབ་པའི་ཕྱག་རྒྱར་ལྡན།། གདན་གཉིས་ཞབས་གཉིས་གཤེགས་ལ་ཕྱག་འཚལ་ལོ།། ན་བཟའ་དཀར་མོའིའོ།། ཨོཾ། མཛད་པ་ཐུགས
211b4 རྗེའི་དབྱིངས་ལ་ཐུག་མེད་ཀྱང་། ། རྩོམ་པ་རྒྱ་མཚོ་རྒྱུན་མི་འཆད་མཛད་པས།། ཞིང་རྣམས་རྒྱ་མཚོ་རྣམ་པར་སྦྱོང་བ་ཡི།། མགོན་པོ་སྤྱན་རས་གཟིགས་ལ་ཕྱག་འཚལ་ལོ།། སྒྲོལ་མའིའོ།། ཨོཾ
211b5 ཉི་མ་གཟི་ལྡན་འོད་ཟེར་འགྱེད་པ་ལྟར། ། འཇུག་དགོངས་མི་མངའ་ཀུན་རྟོག་མུན་བྲལ་ཡང་།། བསྐལ་པ་རྒྱ་མཚོར་ཁྱད་པར་དོན་གསལ་བའི།། མགོན་པོ་སྤྱན་རས་གཟིགས་ལ་ཕྱག་འཚལ་ལོ།། འོད་ཟེར
211b6 ཅན་མའིའོ། ། ཨོཾ། སེམས་ཀྱི་རྒྱུད་བགག་མྱ་ངན་འདས་པའི་ཚེ།། འདོད་ཆགས་བྱུང་མ་ཐག་ཏུ་ཡལ་བ་སྟེ།། ཉོན་མོངས་རྩ་བ་བཅད་ནས་ཕ་མཐའ་མེད།། མགོན་པོ་སྤྱན་རས་གཟིགས་ལ་ཕྱག་འཚལ
211b7 ལོ། ། དབྱངས་ཅན་ནོ།། ཨོཾ། ཉོན་མོངས་བདག་ཏུ་བཟུང་ན་འཁོར་བར་སྐྱེ།། དེ་ལ་ཡང་ཡང་བརྟགས་ན་ངན་འགྲོར་སྐྱེ།། རང་བཞིན་མེད་པར་ཤེས་ནས་གྲོལ་བར་འགྱུར།། མགོན་པོ་སྤྱན་རས་གཟིགས
iiif viewer powered by OpenSeadragon
