| e-texts navigator |
| Wylie |
211a1 འབད་རྩོལ་མེད་པའི་སེམས་ཀྱིས་གྲོལ།། རྩོལ་བའི་སེམས་ཀྱི་དྲིམས་ནི།། དྲི་མ་མེད་པའི་སེམས་འཆིང་འགྱུར།། ནམ་མཁའི་སྙིང་པོས་སྔགས་མིང་ལ།། ཆེད་དུ་འདི་ལྟར་བརྗོད་པར
211a2 མཛད། ། ཨེ་མ་སྟོང་པ་མཚན་མ་བྲལ།། ཁ་དོག་དབྱིབས་བྲལ་ཆོས་ཉིད་དག། དགའ་བའི་སེམས་ཆེན་གསལ་བྱེད་པ།། ཤེས་རབ་ཆེན་པོའི་ཡི་གེ་མིན།། མཚན་དཔེ་ཡེ་ཤེས་བདེ་ལྡན་སྐུ།། གང་གང་དོན་དུ་དེ་སྣང
211a3 བ། ། སྙིང་རྗེ་ཆེན་པོའི་རིང་ཤུགས་ཀྱིས།། འབྱུང་འགྱུར་ཡི་གེ་ཏ་ཡི་དོན།། བྱང་ཆུབ་སེམས་དཔའ་པདྨོས་ནི།། གནས་ལ་ཆེད་དུ་འདི་ལྟར་བརྗོད།། ཨེ་མ་རྒྱུ་རྐྱེན་ནམ་མཁའ་ལ།། ཉི་ཟླ་སྐར་རྒྱུན་འཁོར་བ་ཡིས།།
211a4 བསལ་ནས་ཉིན་མཚན་བྱེ་བྲག་བརྗོད།། ཉོན་མོངས་མ་རིག་སྲེད་ལེན་གྱིས།། འདུ་བྱེད་སྲིད་པའི་ལས་བསྐུལ་ཏེ།། རྣམ་ཤེས་མིང་གཟུགས་སྐྱེ་མཆེད་དྲུག། རེག་ཚོར་སྐྱེ་རྒ་ཤི་སྡུག་བསྔལ།། གསལ་བྱེད་དག
211a5 པ་ཉིད་ཀྱིས་དག། ཕྱག་ན་རྡོ་རྗེས་འབྲས་དོན་ལ།། ཆེད་དུ་བརྗོད་པ་འདི་བརྗོད་དོ།། ཨེ་མ་ཟབ་ཅིང་རྒྱ་ཆེ་བ།། སྔགས་མཐུ་བླ་ན་མེད་པ་ནི།། སངས་རྒྱས་མུ་སྟེགས་ཀྱིས་མི་ཤེས།། ཤེས་པ་ཉིད་ཀྱང་རྫས
211a6 མེད་ལ། ། ཤེས་བྱ་རྫས་སུ་ག་ལ་ཡོད།། ཤེས་དང་ཡུལ་གྱི་རྣམ་པར་ནི།། རྟོག་པའི་གཟུང་འཛིན་གྱིས་བསྒོས་པ།། དེ་ཟད་ནས་ནི་གྲོལ་བར་འགྱུར།། དེ་ནས་རིག་པའི་ལྷ་མོའི་ཚིགས།། སྤོས་དང་མེ་ཏོག
211a7 བཐོར་བྱེད་ཅིང་། ། སྙན་པའི་སྔགས་ཀྱི་གླུ་ཡིས་ནི།། མགོན་པོ་སྤྱན་རས་གཟིགས་ལ་བསྟོད།། ཨོཾ། བཅོམ་ལྡན་མགོན་པོ་ཐུགས་རྗེ་སྤྱན་རས་གཟིགས།། ཞལ་གྲངས་མདོག་དབྱིབས་དུམ་ཅིར་ཡང་སྣང
iiif viewer powered by OpenSeadragon
