| e-texts navigator |
| Wylie |
210a1 ཁྲེལ་ཡོང་ངོ་ཚ་ཤེས། ། བློ་བཟང་བརྩོན་ལྡན་སྙིང་རྗེ་ཆེ།། མདོག་དཀར་དང་བཟང་གསོང་པོར་སྨྲ།། སེམས་འཇམ་ལུས་ངག་དལ་བར་སྤྱོད།། བླ་མ་ལ་གུས་བརྟུལ་ཞུགས་ཆེ།། སྲེད་པ་ཆུང
210a2 ཞིང་སྦྱིན་ལ་དགའ། ། སངས་རྒྱས་གུས་ཤིང་སེམས་བཅས་པ།། ཉིན་མཚན་རྒྱུན་དུ་རིག་སྔགས་འདོན།། བཅུ་བཞི་འམ་ནི་བཅོ་ལྔ་དང་།། ཁྱད་པར་དུ་ནི་ཚེས་བརྒྱད་ལ།། གསོ་སྦྱོང་སྐུ་ཡི་མདུན་དུ་བླང་།།
210a3 སྐྱོན་མ་ད་ཙན་དན་དཀར་སོགས་ཤིང་།། རིགས་བཟང་ལས་བྱས་སྐུ་གཟུགས་སམ།། ཡང་ནས་རྡོ་རིན་ཆེན་སོགས།། བཟང་ལས་བདེ་བར་གཤེགས་གཟུགས་བྱ།། ཡང་ན་རིས་སུ་བྲིས་ཀྱང་རུང་།། སྐུ་གཅིག་པུ
210a4 འམ་ལྷ་ཚོགས་ཀྱི། ། དཀྱིལ་འཁོར་རྒྱས་པར་བྱས་པ་ལ།། མངོན་སུམ་བཞིན་དུ་དམིགས་བྱས་ན།། མྱུར་དུ་མངོན་སུམ་མཐོང་བར་འགྱུར།། ཡོན་ཏན་ཀུན་གྱིས་བརྒྱན་པ་ཡི།། བུམ་པ་ཆུ་དང་བཅས་པ་ལ།། སྔགས
210a5 བརྗོད་པས་ནི་འདོད་དོན་ཀུན། ། འགྲུབ་འགྱུར་ཐེ་ཚོམ་མི་བྱའོ།། ནད་དང་འཕྲོད་པའི་སྨན་རྣམས་ལ།། སྔགས་བཟླས་བཟའ་འམ་བྱུགས་པས་སམ།། བདུགས་པ་ཙམ་ཡང་གནོད་པ་སེལ།། སྲད་བུ་འམ་ནི་གོས་དག་དང་།།
210a6 ཕྱག་རྒྱས་གདབས་ཀྱང་དེ་བཞིན་ནོ།། འདོད་པ་གང་དང་གང་ལ་ཡང་།། མེ་ཡི་ལས་ཀྱི་སྦྱོར་བར་བྱ།། གསང་སྔགས་འདོན་འཛིན་ཡིད་བྱེད་ལ།། བདག་ཀྱང་རྗེས་སུ་འཇུག་པར་བྱ།། དེ་སྐད་གསུངས་པའི་དེ་མ་ཐག
210a7 བྱང་ཆུབ་སེམས་དཔའ་འཇམ་དབྱངས་ཀྱིས། ། སྔགས་ཀྱི་ངོ་བོ་ཉིད་ལ་ནི།། ཆེད་དུ་བརྗོད་པ་འདི་བརྗོད་དོ།། ཨེ་མ་རང་བཞིན་མེད་པའི་ཆོས།། སྣ་ཚོགས་གཟུགས་སུ་སྣང་བ་ལ།། བརྗོད་རྟོག་བྲལ་བའི་སྐད་ཅིག་ནི།།
iiif viewer powered by OpenSeadragon
