| e-texts navigator |
| Wylie |
208b1 སྟོན་པ་བྱུང་བ་བདག་གིས་མནོས།། དེ་ཚེ་ཕྱོགས་བཅུའི་སངས་རྒྱས་ཀྱིས།། བདག་ལ་དབང་བསྐུར་ལུང་བསྟན་མཛད།། ཁྱོད་ཀྱི་སྔོན་དུ་བསྐལ་པའི་གྲངས།། བརྗོད་མི་ལང་ནས་རིག་སྔགས་ཕྱིར།།
208b2 ཡང་དག་སྟོང་ཕྲག་སྟོང་སྙེད་ཀྱང་།། དང་བའི་མཆོད་སྦྱིན་ཆེན་པོ་བྱས།། བྱེ་བ་ཕྲག་གྲངས་བཅུ་གཅིག་ཏུ།། ཕྱོགས་བཅུའི་སངས་རྒྱས་དབང་བསྐུར་བླངས།། དེ་དང་དེ་ཡི་རྣམ་སྨིན་མཆོག། སངས་རྒྱས
208b3 ཞིང་ཁམས་རབ་འབྱམ་དུ། ། ཡང་དང་ཡང་དུ་འབྱུང་བར་འགྱུར།། ཕྱིས་ནི་འདྲེན་པ་ཤཱཀྱ་ཞེས།། མི་མཇེད་འཇིག་རྟེན་ཁམས་འཁྲུངས་ཚེ།། མི་ཡུལ་ལས་ཀྱང་ཁྱད་པར་དུ།། ཡི་དགས་གླིང་དུ་སྐྱེས་པ་འགག
208b4 གཏན་ལ་འདུད་འཕེལ་བྱ་བའི་ཕྱིར། ། མཚན་མོ་མུན་ནག་སྤྲིན་རུམ་དུ།། སྐད་ཅིག་གློག་འགྱུ་ཇི་ལྟ་བར།། རིག་སྔགས་འཆང་བ་གདོང་བཅུ་གཅིག། ཡན་ལག་སྟོང་དང་ལྡན་པ་ལ།། སྤྱན་ནི་ཚིག་སྟོང་སུམ་ཅུ
208b5 པའི། ། མཚན་དང་ལྡན་པའི་སྐུ་འབྱུང་འགྱུར།། དེ་ཚེ་སྐལ་ལྡན་ལ་ལ་ཞིག། མཚན་ནས་བརྗོད་ཅིང་སྐུལ་མོས།། རིག་སྔགས་ཟློས་པ་པོ་གང་ཞིག། འཇིག་རྟེན་འདོད་པ་ཀུན་གྲུབ་ཅིང་།། ཕྱི་ནང་ཡེ་ཤེས་ཉིས
208b6 འགྱུར་རོ། ། ལུང་བསྟན་དེ་སྐད་ཐོབ་པའི་ཕྱིར།། སངས་རྒྱས་བྱེ་བ་ཕྲག་བཅུ་གཅིག། གྲངས་སྙེད་ཞལ་ནས་གསུངས་པ་ཡི།། རིག་སྔགས་སྙིང་པོ་གདོང་བཅུ་གཅིག། མཐུ་ཆེན་ཐོགས་པ་མེད་པ་སྟེ།། འགྲོ་ལ
208b7 སྨན་ཅིང་བདེ་བ་དང་། ། ནད་ཀུན་སེལ་བྱེད་སྡིག་ཀུན་སྦྱོང་།། བཀྲ་ཤིས་མེད་པ་ཀུན་ཟློག་ཅིང་།། རྨི་ལམ་མཚན་མ་ངན་ཀུན་སེལ།། དུས་མིན་འཆི་དང་ངན་སེམས་ཟློག། རྟག་ཏུ་དཔལ་དང་སེམས་བདེ་ཐོབ།།
iiif viewer powered by OpenSeadragon
