| e-texts navigator |
| Wylie |
207a1 བཞུགས་སོ། ། དེའི་ཚེ་འཁོར་དེ་དག་ཐམས་ཅད་ཀྱིས་བཅོམ་ལྡན་འདས་ལ་བླ་མ་དང་། བཀུར་སྟི་དང་། རིམ་གྲོ་བྱ་བའི་ཕྱིར་མཆོད་པ་དུ་མས་མཆོད་ཅིང་བསྔགས་པ་དུ་མས་བསྟོད་པར་བྱེད་དོ།།
207a2 དེ་ནས་བཅོམ་ལྡན་འདས་ཐུབ་པ་ཆེན་པོ་ཐུགས་རྗེ་ཆེན་པོ་ཡོངས་སུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་མ་ཐག་ཏུ་ས་ཆེན་པོ་རྣམ་པ་དྲུག་ཏུ་གཡོས་ཤིང་ལྟས་བཅོ་བརྒྱད་དུ་གྱུར་ཏོ།།
207a3 དེའི་ལྟས་དེ་མཐོང་ནས་ལང་ཀའི་རྒྱལ་པོ་སྒྲ་སྒྲོགས་ཤིན་ཏུ་སྙེམས་པ་དང་ལྡན་ནས་རང་གི་འཁོར་དུ་བ་དང་ལྷན་ཅིག་དེར་ལྷགས་སོ།། དེ་ནས་བཅོམ་ལྡན་འདས་ཀྱིས་སྒྲ་སྒྲོགས་ཀྱི་སེམས་ཀྱིས་རྟོག་པ་ཐུགས་སུ་ཆུད་ནས་སྐུའི་གནས
207a4 ཐམས་ཅད་ནས་འོད་ཟེར་བྱེ་བ་ཕྲག་དུ་མ་བྱུང་ངོ་། ། འོད་ཟེར་དེ་དང་ས་གཡོས་པ་དེ་དག་གིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ཀྱང་གསལ་བར་གྱུར་ཏོ།། དེའི་ཚེ་སྒྲ་སྒྲོགས་སྙེམས་པ་དང་བཅས་པས་དེའི་འཁོར
207a5 ཐམས་ཅད་ཀྱིས་འཛམ་བུའི་གླིང་དུ་ཡམས་ནད་ལ་སོགས་པས་རྣམ་པར་འཚེ་བ་དེ་ཐུགས་ཀྱིས་ཡོངས་སུ་དགོངས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གདོང་བཅུ
207a6 གཅིག་པ་དྲང་སྲོང་རིག་སྔགས་འཆང་བྱེ་བ་ཕྲག་བརྒྱ་སྟོང་དང་ལྷན་ཅིག་བཅོམ་ལྡན་འདས་ཀྱི་སྤྱན་སྔར་ལྷགས་ནས་ཞབས་ལ་སྤྱི་བོས་ཕྱག་འཚལ་ཏེ། གཡས་ཕྱོགས་སུ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ།།
207a7 དེ་ནས་སངས་རྒྱས་ཀྱི་མཐུས་ལྷའི་ཚོགས་རྣམས་ཀྱི་ནང་ནས་ལྷའི་བུ་རིན་པོ་ཆེ་པདྨའི་ཐབས་བརྒྱན་པ་ཞེས་བྱ་བ་བཞེངས་ཏེ་ཐལ་མོ་སྦྱར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང
iiif viewer powered by OpenSeadragon
