| e-texts navigator |
| Wylie |
179b1 ན་བཞུགས་སོ། ། དེ་ནས་འདོད་པའི་ཁམས་ཀྱི་དབང་ཕྱུག་མ་བདུད་ཀྱི་ཡུམ། གཤིན་རྗེའི་ལྕམ་མོ་ལྷ་མོ་ནག་ཆེན་མོས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འདུག་གོ། དེ་ནས།
179b2 བཅོམ་ལྡན་འདས་ལ་ལྷ་མོ་ནག་མོ་ཆེན་མོས་གསོལ་པ། བཙུན་པ་བཅོམ་ལྡན་འདས་ཀྱི་ཞབས་ལ་ཕྱག་འཚལ་བའི་རིག་པ་འདི་འབུལ་ན། བཅོམ་ལྡན་འདས་བདག་གི་དེ་བཅོམ་ལྡན་འདས་ཀྱིས་བཞེས་སུ་གསོལ།
179b3 དེ་ནས་བཅོམ་ལྡན་འདས་ཀྱིས་བཀའ་སྩལ་པ། བདུད་ཀྱི་ཡུམ། གཤིན་རྗེའི་ལྕམ་མོ་ལྷ་མོ་ནག་མོ་ཆེན་མོས་སྟེང་དུ་ནི་གཞན་འཕྲུལ་དབང་བྱེད་ལ་ཐུག་པ་མན་ཆད་བཅིང་བར་བྱའོ།། འོག་ཏུ་ནི་སེམས་ཅན་དམྱལ་བ་ལ
179b4 ཐུག་པ་ཡན་ཆད་བཅིང་བར་བྱའོ། ། ཐད་ཀ་ཁོ་ར་ཁོར་ཡུག་ཏུ་ནི་རི་ལ་ཐུག་པ་ཚུན་ཆད་བཅིང་བར་བྱའོ།། དེའི་སྔགས་འདི་དག་ཀྱང་བཟླས་པར་བྱ་སྟེ། ཏདྱ་ཐཱ། ཨོཾ་རུ་རུ་བི་ཏིཥྛ་བ་ཏོ་སི་རུ་རུ་རོ་རུ་བི་ཏིཥྛ་བཱ་ཏོ་སི་སྭཱ་ཧཱ། འདི
179b5 བཏོན་པས་རིམས་དང་། ནད་དང་། མི་ངས་དང་། ཉེས་པར་བལྟས་པ་ཐམས་ཅད་དང་། མཛེ་དང་། ཕོལ་མིག་དང་། གཡན་པ་ལ་སོགས་པའི་ནད་ཐམས་ཅད་ཞི་བར་འགྱུར་རོ།། སྭཱ་ཧཱ། ལྷ་མོ་ནག་མོ་ཆེན་མོའི་གཟུངས་རྫོགས
179b6 སོ། ། @རྒྱ་གར་སྐད་དུ། ཤྲཱི་དེ་བི་ཀཱ་ལི་པྲ་མ་རཱ་ཛ་ཏནྟ་ཀ་ལི། བོད་སྐད་དུ། དཔལ་ལྷ་མོ་ནག་མོའི་བསྟོད་པ་རྒྱལ་པོའི་རྒྱུད། རིག་སྔགས་དང་གསང་སྔགས་ཀྱི
179b7 མངག་བདག་དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། རི་རབ་ཀྱི་རྩེ་མོ་རྩུབ་འགྱུར་གྱི་ཚལ་ཆེན་པོ་ན། བཅོམ་ལྡན་འདས་དཔལ་དྲག་པོ་ཆེན་པོ་ཕྱག་ན་རྡོ་རྗེ་ལུས་བསྐལ་པའི་མེ་ལྟར
iiif viewer powered by OpenSeadragon
