| e-texts navigator |
| Wylie |
178b1 ལོན་པ་ཞིག་ན་བྱང་ཆུབ་ཀྱི་ཤིང་དྲུང་ན་བཞུགས་སོ། ། བཅོམ་ལྡན་འདས་གལ་བ་དེར་ལོགས་སུ་ལྷའི་སྡེ་དཔོན་ཆེན་པོའི་ཚོགས་ཀྱི་བདག་པོ། མ་ཧཱ་ཀཱ་ལ་འདོད་ཁམས་ཀྱི་དབང་ཕྱུག་ལ་དབང་སྒྱུར་བ་དཔལ་མགོན་པོ་ནག་པོ་ཆེན་པོས
178b2 བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འདུག་སྟེ་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བདག་གི་རིག་པ་འབུལ་གྱིས་བཞེས་སུ་གསོལ། ནད་ཐམས་ཅད་དང་། རིམས
178b3 ཐམས་ཅད་དང་། གདོན་ཐམས་ཅད་དང་། མི་ངས་ཐམས་ཅད་དང་། འབྱུང་པོ་ཐམས་ཅད་དང་། ཉེས་པར་བསྒོམས་པ་ཐམས་ཅད་དང་། ཉེས་པར་བལྟས་པ་རྣམས་སྟེང་དུ་གཞན་འཕྲུལ་དབང་བྱེད་ལ་ཐུག་པ་མན་ཆད
178b4 བཅིང་ངོ་། ། འོག་ཏུ་ནི་སེམས་ཅན་དམྱལ་བ་ལ་ཐུག་པ་ཡན་ཆད་བཅིང་ངོ་།། ཐད་ཀ་ཁོ་ར་ཁོར་ཡུག་ཏུ་ནི་རི་ལ་ཐུག་པ་ཚུན་ཆད་བཅིང་ངོ་།། གཞན་ཡང་། ཨོཾ་ཤྲཱི་མ་ཧཱ་ཀཱ་ལ་གཱ་ན་གུ་ཏེ་སྭཱ་ཧཱ། ན་མཿཤྲཱི་མ་ཧཱ་ཀཱ་ལ་གཱ་ནེ་གུ་ཏི་ཤྭ
178b5 གཱ། ན་མོ་ཡོ་གི་ན་ཎི་ན། ཏདྱ་ཐཱ། ཨོཾ་ཧི་ལེ་ཧི་ལེ། ཀི་ཏེ་ཀི་ཏེ་ནི། ཙི་དེ་ཙི་དེ་ནི་སྭཱ་ཧཱ། འད་བཏོན་པས་གཙུག་ལག་ཁང་དང་དཀྱིལ་འཁོར་གྱི་སྲུང་མ། དྲུག་གསུམ་ནད་ཀྱི་སྨན་པ། རིག་འཛིན་ཡོངས་ཀྱི་སྲོག
178b6 ཤིང་། རྣལ་འབྱོར་ཀུན་གྱི་དགྲ་ལྷ། བདུད་འདུལ་རྣམས་ཀྱི་དབང་ཕྱུག། སྲིན་པོ་ལང་ཀ་པུ་རིའི་གྲོང་ཁྱེར་གཏན་ནས་རློག་པ། ལྷ་མ་ཡིན་གྱི་བུ་མོ་ནམ་མཁའི་གློག་མ་སྙིང་རྡུལ་དུ་རྨོག་པ། དཀོན་མཆོག་གསུམ་གྱི་བསྟན
178b7 བསྲུང་བར་ཁས་བླངས་ཤིང་དམ་བཅས་སོ། ། འཕགས་པ་དཔལ་མགོན་པོ་ནག་པོ་ཞེས་བྱ་བའི་གཟུངས་རྫོགས་སོ།། ། འཕགས་པ་ནག་པོ་ཆེན་པོའི་གཟུངས
iiif viewer powered by OpenSeadragon
