| e-texts navigator |
| Wylie |
177b1 སྟེང་ནས་དགབ། ། ཐུན་རྫས་བྲབ་ཅིང་སྔགས་འདི་བཟླས།། ཨོཾ་བཛྲ་ཀྲོ་དྷ་ཧ་ལ་གྲི་བ་ཧཱུཾ་ཧུ་ལུ་ཧུ་ལུ་ཧཱུཾ་ཕཊ། ཕཊ་ཧཱུཾ་ཧཱུཾ་ཀ་ཡ་ནཱ་བིགྷྣཱཾ་བི་ཏྲཀྵེ་ཀྵཾ་ལ་ཀཱ་སཱ་མ་བཛྲ་ཨོཾ། དེ་སྐད་བརྗོད་ཅིང་ཐུན་གྱིས་བྲབ།། དེ་ལ་རྟགས་རྣམས
177b2 རྫོགས་པ་དང་། ། དེ་ནས་གསོ་བའི་ཆོ་ག་བྱ།། བྲིས་སྐུ་བླ་རྡོ་དམ་རྫས་རྣམས།། སྤོས་ཆུས་བཀྲུ་ཞིང་སྔགས་འོད་བཟླས།། ཨོཾ་བཛྲ་མ་ཧཱ་ཀཱ་ལ་ཀྵི་ཀྵེ་ཏྲ་བིགྷྣཱཾ་བི་ནཱ་ཡ་ཀ་ཧཱུཾ་ཧཱུཾ་ཕཊ་སོས་སོས་སྭཱ་ཧཱ། དེ་སྐད་བྱས་ལ་ཀནྡ
177b3 སུ་ནི། མགོན་པོའི་གཟུགས་ཀྱང་སྤོས་ཆུས་བཀྲུ།། གྲུ་གསུམ་དབུས་སུ་བླངས་བྱས་ལ།། དགྲ་བོའི་མིང་རུས་སྙིང་ཁར་གཞུག། ཞག་བདུན་བསྒྲུབས་ལ་དགྲ་ལ་བསྐྱལ།། ཨ་མུ་ཀ་ནི་མྱུར་དུ་རླག། དཔལ་མགོན་པོ་ནག
177b4 པོའི་རྒྱུད་ལས། མ་གྲུབ་ན་སྤོགས་པའི་ཆོ་ག་དང་གསོ་བའི་ལེའུ་སྟེ་ལྔ་པའོ།། །། དེ་ནས་ཡང་དག་བཤད་བྱ་བ།། བྱ་ནག་འཕུར་ཞིང་ལྡིང་བ་དང་།། མོན་པ་ཨ་ཙ་ར་དང་ནི།། དགེ་བ་ཤེས་བན་དྷེ
177b5 སློབ་དཔོན་དང་། ། འོད་དང་སྒྲ་དང་ཁང་པ་འཚེ།། མགོན་པོའི་སྐུ་དག་དངོས་སུ་མཐོང་།། དགྲ་ལ་དམག་དྲངས་སེམས་ཅན་བསད།། མི་ནག་དག་ལ་སྙིང་སྟོབས་དང་།། མཛེ་བོ་དང་ནི་སྤྲང་པོ་དང་།། བྱ་ནག་ཐང་ལ
177b6 ལྷུང་བ་འབྱུང་། ། དཔལ་མགོན་པོ་ནག་པོའི་རྒྱུད་ལས། རྟགས་ཀྱི་རིམ་པའི་ལེའུ་སྟེ་དྲུག་པའོ།། ། དེ་ནས་ཡང་དག་བཤད་བྱ་བ།། སེར་བ་དབབ་པའི་ལས་བྱ་ན།། མོན་ནམ་མཛེ་ཅན་ཐོད་པ་རུ།
177b7 འཁོར་ལོ་རྩིབས་བཞི་བྲིས་ནས་ཀྱང་།། རིགས་ལྔ་ཀླུ་ཡི་ས་བོན་དཔོད།། རྩིབས་མཚན་སེར་སྲུན་མིང་རུས་དང་།། ཡུལ་དུ་ཕོབ་ཅེས་བྱ་བ་བྲི།། དེ་མཐར་འཁོར་ལོ་རྩིབས་དགུ་ལ།། དྲེགས་པའི་སྔགས་ནི་བྲི་བར་བྱ།།
iiif viewer powered by OpenSeadragon
