| e-texts navigator |
| Wylie |
176b1 རང་གི་མདུན་དུ་བསམ་བྱས་ལ།། མཆོད་པ་རྣམ་ལྔ་དབུལ་བར་བྱ།། རྣམ་དག་བདུན་གྱི་འོག་ཏུ་ནི།། ཚད་མེད་བཞི་པོ་བསྒོམ་པར་བྱ།། བཏང་སྙོམས་ལ་སོགས་པ་རཾ་ཏྲི།། བད་སྟེངས་ཡི་གེ་ཧཱུཾ་ལས་ནི།། ནག་པོ་ཞལ་གཅིག
176b2 ཕྱག་དྲུག་པ། ། གྲི་གུག་འཕྲང་བ་ཌ་མ་རུ།། ཐོད་པ་མདུང་དང་ཞགས་པ་རྣམས།། གཡས་གཡོན་རིམ་པས་བསྣམས་པའོ།། སྦྲུལ་དང་རིན་ཆེན་རྒྱན་གྱིས་བརྒྱན།། སྐུ་སྨད་པ་ཏི་ཁྲ་བོ་གསོལ།། སྟག་ལྤགས་ཞིང་གི
176b3 ཤམ་ཐམས་ཅན། ། གཏུམ་པོ་སྤྱན་གསུམ་མཆེ་བ་གཙིགས།། དཔྲལ་བར་དྲི་ཡི་ཐིག་ལེས་བརྒྱན།། སྤྱི་གཙུག་མི་བསྐྱོད་སྤྲུལ་སྐུ་བསྟན།། དེ་ལྟར་བདག་མདུན་གསལ་བསྒོམས་ནས།། སྤྱན་དྲངས་མཆོད་དང་བཟླས་པ
176b4 བྱ། ། གཏོར་མ་པཱུ་ཛ་ལ་སོགས་པས།། ནག་པོ་ཆེ་ལ་སྦྱིན་པར་བྱ།། མགོན་པོའི་ཐུགས་ཀའི་ཧཱུཾ་ལས་ནི།། སྲོག་གི་ཡི་གེ་གཡས་ནས་བསྐོར།། ཁོར་ཡུག་དག་གིས་བཟླ་བར་བྱ།། ཨོཾ་བཛྲ་མ་ཧཱ་ཀཱ་ལ་ཀྵི་ཀྵེ་ཏྲ་བིགྷྣཱཾ་བི་ནཱ་ཡ་ཀ་ཧཱུཾ་ཧཱུཾ
176b5 ཕཊ། དེ་སྐད་ཅེས་ནི་རབ་བརྗོད་པས།། ནག་པོ་གྲུབ་པའི་རྟགས་རྣམས་འབྱུང་།། དཔལ་ནག་པོ་ཆེན་པོའི་རྒྱུད་ལས། བསྙེན་ཅིང་སྒྲུབ་པའི་ལེའུ་སྟེ་གཉིས་པའོ།། ། དེ་ནས་ཡང་དག་བཤད་བྱ་བ།
176b6 སངས་རྒྱས་བསྟན་པ་བཤིག་པ་དང་།། རྣལ་འབྱོར་བར་ཆད་བྱེད་པ་རྣམས།། ནག་པོ་ཆེན་པོས་བསྒྲལ་འདོད་ན།། སྟེགས་བུ་གྲུ་བཞི་བྱས་ནས་ཀྱང་།། དྲག་པོ་ཨ་ཡི་ནང་དུ་ནི།། ཕོ་མོ་རབས་ཆད་ཐོད་པའི་ནང་།། གཟུགས
176b7 རི་སྤྲ་ཚིལ་དག་ལ་བྱ། ། མིང་རུས་དག་ནི་བཀོད་ནས་ཀྱང་།། གསད་དང་ན་བ་སྐབས་དང་སྦྱར།། མགོན་པོའི་སྐུ་དང་དམ་རྫས་རྣམས།། ཁ་དང་ཁ་ལ་དགོད་པར་བྱ།། ཕག་ཐོད་ནང་དུ་ཐུན་རྫས་བླུགས།། རྟག་གཏོར་རྒྱུན་གཏོར་གཡྲ
iiif viewer powered by OpenSeadragon
