| e-texts navigator |
| Wylie |
175a1 འདོད་ན། ཆུ་དང་སྤྲིན་གྱི་མཎྜལ་མངོན་པར་བྲིས་ཏེ། ཚོགས་བདག་ཆེན་པོ་འབྲུག་ལ་ཞོན་པར་བསྒོམས་ཏེ། བདག་གི་བཀའ་ཉན་པར་བསམ། གསང་བའི་རྫས་སུ་བྱ་བ་ལ།། ལྕགས་ཕྱེ་གསེར་ཕྱེ
175a2 ཟངས་ཕྱེ་རྣམས། ། གནམ་ཆུ་འབྲས་ཀྱི་ཕྱེས་སྨྲས་ཏེ།། སེར་བ་ཇི་ཙམ་འདོད་པའི་དབྱིབས་ཆེ་ཆུང་བྱས་ལ་ཁྲག་གིས་བྱུགས་ལ་བདུན་དང་བདུན་ཕྲག་མང་དུ་བྱས་ཏེ། ཀ་ཀ་ཀི་ཀུའི་ཐོད་པའི་ནང་དུ་བླུགས་ཏེ། སྤྲིན་གྱིས
175a3 དགབ་པར་བྱའོ། ། ཀ་ཀའི་ཐོད་པ་ལ་སྔགས་བྲི་བིར་བྱའོ།། རིམ་པ་གསུམ་མོ།། རྟེན་གྱི་རྫས་ཀྱང་གཞག་པར་བྱའོ།། བྲུཾ་བྲུཾ་བྷ་རི་ཤ་ཡ་ཞེས་བྱ་བ་ལ་སོགས་པའི་སྔགས་འབུམ་ཕྲག་གཅིག་བཟླས་པ་དང་། ཀ་ཀའི་ཐོད་པའི
175a4 ནང་དུ་སེར་བ་དངོས་སུ་གསུམ་མམ། བདུན་ནམ། བརྒྱད་བྱུང་བ་དང་། དགྲའི་ཡུལ་དུ་བསྐྱལ་ཏེ། སྔགས་ཟློག་ནས་བཟླས་པས་འབབ་བོ།། གལ་ཏེ་མ་བབ་ན་ཚོགས་ཀྱི་བདག་པོའི་སྐུ་དབུ་ཐུར་ལ་བསྟན། ཞབས་གྱེན་ལ
175a5 བསྟན་པ་དགྲ་བོའི་ཡུལ་གྱི་དབུས་སུ་སྦའོ། ། མོད་ལ་སེར་པ་འབབ་སྟེ། བྱ་ཀ་ལན་ཏ་ཀའི་སྒོ་ང་ཙམ་དང་། དབྱིབས་དམར་པོ་ཤ་བའི་རླིག་འབྲས་ཙམ་པ་ཡུན་རིང་པོ་འབབ་བོ།། ལོ་ཏོག་འཇོམས་པའི་སྔགས་ནི་བྲུཾ་ཞེས་བྱ
175a6 བའོ། ། དེ་གཅོད་པར་འདོད་ན་ནི་སྐུ་དང་ཀ་ཀི་མ་ཕྱུང་བའི་བར་ལ་ཉི་མ་རེ་རེར་འབབ་པས་དབྱུང་བར་བྱའོ།། ཚོགས་ཀྱི་བདག་པོའི་སྐུ་ལ་མཆོད་པ་དབུལ་བར་བྱའོ།། གསང་སྔགས་ཀྱང་དབུ་ཞབས་མ་ནོར་བར་རིན་པོ་ཆེའི་འཕྲེང་བ་བརྒྱ
175a7 རྩ་བརྒྱད་བཟླས་པར་བྱའོ། ། སྐུ་ཁྲུས་གསོལ་བ་བདག་གི་དཀྱིལ་འཁོར་གྱི་དབུས་སུ་བཞུགས་སུ་གསོལ་ལོ།། དེ་ལ་སོགས་པ་མཐའ་ཡས་མཆོག། ཚོགས་ཀྱི་བདག་པོས་བྱེད་པ་ཡིན།། ཕྱག་འཚལ་དཔལ་ལྡན་ཚོགས་བདག་དགྱེས།།
iiif viewer powered by OpenSeadragon
