| e-texts navigator |
| Wylie |
173b1 སྤྱང་ཀིའི་ཐོད་པ་དང་། ཟིར་ནག་པོ་དང་། སྐེ་ཚེ་དང་། ཆུངས་ཀར་དང་། ཉུངས་ནག་གཞུག་པར་བྱའོ།། ཚོགས་བདག་ཆེན་པོའི་དཀྱིལ་འཁོར་གྱི་ལེའུ་སྟེ་བཅུགཅིག་པའོ།། དེ་ནས་གཞན་ཡང་བཤད
173b2 བཔར་བྱ། ། སྒོམ་པའི་རིམ་པ་འདི་ལྟ་བུ།། མ་བྱུང་འབྱུང་བར་མི་འགྱུར་བས།། ཤིན་ཏུ་གསང་སྟེ་བསྒྲུབ་པར་བྱ།། ཡི་ཡི་རང་བཞིན་སྟོང་པ་ལས།། སྣང་བའི་རང་བཞིན་ཧཱུཾ་དང་ནི།། ཡ་ཚོགས་བརྒྱད་པའི་ས་བོན་འབྱུང་།། མིང་གི
173b3 སྔགས་ལས་རབ་ཏུ་བསྐྱེད། ། ཁྲོ་བོའི་སྤྲུལ་པས་སྟོང་གསུམ་བཀང་།། འོད་བསྡུས་ཐོག་མའི་ཧཱུཾ་ལ་འདུས།། ཚོགས་ཀྱི་བདག་པོ་ཆེན་པོ་དེ།། འགྲོ་བའི་དོན་དུ་བཞེངས་པ་ནི།། ཁྲོ་བོ་ཆེན་པོ་འཇིགས་པའི་གཟུགས།། ཡུམ་དང
173b4 འཁོར་ཡང་རྫོགས་པར་བསྐྱེད། ། ཕུ་བརྒྱད་ཀླུ་བརྒྱ་དེ་སེམས་དཔའི་ཚུལ།། རྒྱལ་པོ་དེ་བཞིན་ཁྲོ་བོའི་ཚུལ།། ཡི་གེ་བྷེ་དང་མིང་ལས་བསྐྱེད།། འོད་ཟེར་ཚུལ་གྱིས་སྤྱན་དྲངས་ལ།། ཛ་དང་ཛ་ཡི་འཕྲོ་འདུ་དང་།། ཧཱུཾ་དང་ཧཱུཾ་གི་གསང
173b5 སྔགས་དང་། ། ལྕགས་ཀྱུའི་ཕྱག་རྒྱས་སྤྱན་དྲངས་ལ།། ནུས་པའི་མཐུ་དང་ལྡན་པར་བྱ།། མཆོད་དང་གཏོར་མ་བཏབ་པར་བྱ།། བ་ལིཾ་གྲྀཧྞ་ཁཱ་ཡི་སྔགས།། སྙིང་པོ་དག་དང་སྤེལ་བར་བྱ།། སྒོམ་པའི་རིམ་པའི་ལེའུ་སྟེ་བཅུ་གཉིས་པའོ།།
173b6 ། དེ་ནས་གསང་སྔགས་རྒྱལ་པོ་ནི།། དབྱངས་ཡིག་གསལ་བྱེད་དག་ལས་བཏུ།། དང་པོ་བཞི་པ་དེ་རྗེས་བྲི།། བཞི་པའི་ལྔ་པ་གྲལ་ལ་གཞག། ཡིད་བཞིན་ནོར་བུའི་ཡི་གེ་དང་།། དེ་ཡི་རྗེས་སུ་བསམ་པར་བྱ།། དེ
173b7 བཞིན་གཤེགས་པའི་མཚན་དང་པོ། ། དེ་ཡི་རྗེས་སུ་བརྗོད་པར་བྱ།། དེ་ལ་དབྱངས་ཡིག་བརྒྱད་པས་བརྒྱན།། དགུ་པའི་ཡི་གེ་དག་དང་ནི།། འབྱུང་བ་རླུང་གི་ཡི་གེ་ལ།། དབྱངས་ཡིག་གཉིས་པ་སྦྱར་བ་ཡིས།། རྒྱལ་བའི་རྒྱལ་པོ་ཞེས་བྱའོ།། །
iiif viewer powered by OpenSeadragon
