| e-texts navigator |
| Wylie |
173a1 ལྷོ་ནུབ་ཀྱི་ལེའུ་ཆེ་ནག་པོ་ལ་སྤྲིན་ཕུང་གི་སྒྲོན་མ་ཞེས་བྱ་བ་སྤྲིན་ཕུར་དང་གློག་གི་འོད་དུ་བཅས་པ་ལག་པ་གཉིས་ཀྱིས་ཐོགས་པའོ།། བྱང་ཆུབ་ཀྱི་ལེའུ་ཚེ་ནག་པོ་ལ་བགེགས་ཀྱི་རྒྱལ་པོ་ལོག་འདྲེན
173a2 སྣ་ཡོན་ཞེས་བྱ་བ་གླང་པོ་ཆེའི་སྣ་ཅན་རྩེ་གསུམ་དང་ཐོད་པ་སྐམ་པོའི་ནང་དུ་ལ་ཕུག་དང་ཤས་བཀང་བ་ཐོགས་པའོ། ། ལྷ་རྣམས་ལ་ཀླུའི་རྒྱལ་པོ་བརྒྱད་བཀའ་ཉན་པ་ནི་ཀླུའི་རྒྱལ་པོ་ཨ་བ་ལ་དང་། བ་རུ་ཎ་དང་། དུང་སྐྱོང
173a3 དང་། འཇོག་པོ་དང་། རིགས་ལྡན་དང་། མཐའ་ཡས་དང་། པདྨ་དང་། པདྨ་ཆེན་པོ་རྣམས་སོ།། ཤར་གྱི་སྒོར་རྒྱལ་པོ་ཆེན་པོ་ཡུལ་འཁོར་སྲུང་། ལྷོ་སྒྲོར་འཕགས་སྐྱེས་པོ། ནུབ་སྒོར་སྤྱན་མི་བཟང་།
173a4 བྱང་སྒོར་རྣམ་ཐོས་སྲས་རྣམས་སྐུ་མདོག་དཀར་བ་དང་། སྔོ་བ་དང་། དམར་བ་དང་། ལྗང་ཁུར་ཤེས་པར་བྱའོ།། ལག་ན་ནོར་བུ་རིན་པོ་ཆེ་རེ་རེ། རལ་གྲི་རེ་རེའོ།། འདི་རྣམས་ཀྱི་ཆུང་མ་ནི་མི་བྲིའོ།། འདི་ལྟར་བྲིས
173a5 པའི་བྱང་ཤར་དུ་གསད་པའི་དཀྱིལ་འཁོར་གྲུ་གསུམ་ལ། དེའི་ནང་དུ་དགྲ་བོའི་གཟུགས་སྤྲ་ཚིལ་ལས་བྱས་པ་རིང་པ། གནག་པ། སྐྲ་ཟེད་པ། ཏིལ་མར་གྱིས་བྱུགས་ཏེ། སྙིང་ཁར་མིང་རུས་བྲིས་ལ་གཞུག་གོ།
173a6 དེའི་སྐེར་རོ་སྒྲ་ལས་བྱས་པའི་ཐག་པ་གདགས་སོ།། དེ་ལྟར་བྱས་ནས་གནོད་སྦྱིན་ཆེན་པོ་བརྒྱད་ལ། ལ་དུ་དང་ལ་ཕུག་དང་བཅས་པའི་གཏོར་མ་དང་། གནོད་སྦྱིན་ཆེན་པོ་བརྒྱད་ལ་ཉ་ཤ་དང་སྒོག་བཙོང་དུ་སྦྱར་བའི
173a7 དམར་གྱི་གཏོར་མ་རེ་རེ་བཤམ། ཀླུ་ཆེན་པོ་བརྒྱད་ལ་གཏོར་མ་ཆེ་བ་གཅིག་དང་། རྒྱལ་པོ་ཆེན་པོ་བཞི་ལ་རེ་རེ་བྱ། གལ་ཏེ་མ་འབྱོར་ན་ཆེ་བ་གཅིག་བྱ། ལྷ་བཤོས་རེ་རེ་དབུལ་བར་བྱའོ།། གཞན་ཡང་དྲག་པོའི་རྫས
iiif viewer powered by OpenSeadragon
