| e-texts navigator |
| Wylie |
172b1 དེ་ནས་དཔལ་ལྡན་ཚོགས་བདག་ཆེ།། དྲག་པོ་ཆེན་པོ་དྲག་ཤུལ་ཅན།། སངས་རྒྱས་ཐུགས་ལ་བྱོལ་སོང་དབུ།། གླང་ཆེན་གཞོན་ནུས་ཞལ་བརྒྱན་པ།། སྤྱན་གསུམ་མཆེ་བ་བཞི་དང་ལྡན།། ཕྱག་བཞི་ཞབས་བཞི་ཀླུ་ཆེན་གདམ།།
172b2 དབང་པོ་མཆེ་བ་དཀར་པོ་འཛིན།། དེ་འོག་ཞགས་པ་གཡོན་པ་ན།། དགྲ་སྟག་ཁ་ཊྭཱཾ་རྩེ་གསུམ་འཛིན།། མཐིང་ཁ་གསུས་པ་ཆེ་བའོ།། དེ་ལྟ་བུ་ཡི་ཚོགས་བདག་སྐུ།། འཁར་བ་ཁྲོ་ཆུ་དག་ལ་བྱ།། རྒྱལ་གྱི་ཉིན་པར་རབ་ཏུ་གནས།།
172b3 དེས་ནི་སྒོམ་ཞིང་སྒྲུབ་པ་ནི།། དཀྱིལ་འཁོར་བྱ་བའི་ས་བརྟགས་པ།། ལེའུ་ཚེ་དགུ་པའི་དཀྱིལ་འཁོར་བྲི།། སྒོ་དང་སྒོ་ཁྱུད་ལྡན་པར་བྱ།། དབུས་སུ་པདྨ་འདབ་བརྒྱད་ལ།། ཚོགས་བདག་ཆེན་པོས་བསྒྲུབ་བྱ་མནན།། ཟླ་བའི་གདམལ
172b4 ཡུམ་དང་ནི། ། གཉིས་སུ་མེད་པར་དགོད་པར་བྱ།། དེའི་མིང་ཨ་རྩི་ཀ་རེ་སྟེ།། རྡོ་རྗེ་ཕག་གདོང་མ་ཞེས་བྱ།། དགྲ་སྟ་བ་ན་ད་ལག་ན་ཐོགས།། ཁྲག་གིས་གང་བ་གཙོ་ལ་སྟོབ།། ཤར་ཕྱོགས་ཀྱི་ལེའུ་ཚེ་སེར་པོ་ལ་ཁམས་གསུམ་གྱི་བདག
172b5 པོ་ལ་ཕུག་དང་གྲི་འཛིན་པའོ། ། ལྷོ་ཕྱོགས་ཀྱི་ལེའུ་ཚེ་སྔོན་པོ་ལ་གནོད་སྦྱིན་ཆེན་པོ་རྡོ་རྗེ་མཆུ་མ་སཱ་དེ་བའི་གདེ་བ་ཅན་དབྱུག་ཏོ་ད་འཐོ་བ་འཛིན་པ་ནག་པོའོ།། ནུབ་ཕྱོགས་ཀྱི་ལེའུ་ཚེ་དམར་པོ་ལ་གནོད་སྦྱིན་གྱི་བདག་པོ་སྤྲིན་གྱི་བདག་ཅེས་བྱ་བ
172b6 དམར་པོ་ཆུས་གང་བའི་སྤྲིན་ཕུང་དང་ཞགས་པ་འཛིན་པའོ། ། བྱང་ཕྱོགས་ཀྱི་ལེའུ་ཚེ་ལྗང་ཁུ་ལ་གནོད་སྦྱིན་གྱི་བདག་པོ་ནོར་གནས་ཞེས་བྱ་བ་ལྗང་ཁུ་དབྱུག་ཏོ་དང་རིན་པོ་ཆེའི་ཁ་ཊྭཱཾ་ག་ཐོགས་པའོ།། བྱང་ཤར་གྱི་ལེའུ་ཆེ་དཀར་པོ་ལ
172b7 བགེགས་ཀྱི་རྒྱལ་པོ་བིན་ཡ་ཀ་གླང་པོ་ཆེའི་གདོང་མདུང་རྩེ་གསུམ་པ་དང་ལ་ཕུག་ཐོགས་པ་ནག་པོའོ། ། ཤར་ལྷོའི་ལེའུ་ཚེ་དམར་པོ་ལ་ཡི་དགས་ཀྱི་རྒྱལ་པོ་དྲག་པོ་ཞེས་བྱ་བ་དགྲ་སྟ་དང་ཐོད་པ་རིལ་པོ་ཐོགས་པ་ནས་པོའོ།།
iiif viewer powered by OpenSeadragon
