| e-texts navigator |
| Wylie |
172a1 བཞིར་གཞག། བྷ་ག་ཞེས་བྱའི་གསང་སྔགས་ནི།། བཟླས་པ་འབུམ་དུ་བྱས་པ་ཡིས།། ཚེ་དེ་ཉིད་ལ་དངོས་གྲུབ་ནི།། ཅི་འདོད་པ་ནི་སྦྱིན་པར་མཛད།། ལྷ་ཡི་རྒྱལ་པོའི་མངའ་ཐང་ནི།། སྒྲུབ
172a2 པ་པོ་ལ་སྩོལ་བར་མཛད། ། ཤིན་ཏུ་ཐུགས་རྗེའི་བདག་ཉིད་པས།། དཔལ་ལྡན་ཚོགས་བདག་ཐུགས་རྗེ་ཅན།། ཐུགས་རྗེའི་ཕུང་པོས་དབུལ་བ་སྐྱོབ།། ནོར་ལྷ་ཆེན་པོའི་བདག་ཉིད་འདི།། དར་དམར་རས་ལ་ལེགས
172a3 བྲིས་ཏེ། ། རྒྱལ་གྱི་ཉིན་པར་སྤྱན་ཕྱེ་ནས།། གང་གི་ཁྱིམ་དུ་བཞུགས་པ་དེའི།། ས་ཕྱོགས་དེ་ནི་བཀྲ་ཤིས་འགྱུར།། ཟངས་ལ་ཚོགས་བདག་ཆེན་པོའི་སྐུ།། མཁས་པས་ལེགས་པར་བཟོ་བྱས་ཏེ།། ཙན་དན་དམར
172a4 པོས་བྱུགས་པའི་སར། ། མཎྜལ་སྟེང་དུ་ལེགས་པར་གཞག། བན་དུ་ཀ་ཡི་མེ་ཏོག་དང་།། པདྨ་རཱ་ག་རིན་ཆེན་དང་།། མེ་ཏོག་དམར་པོ་ཀུན་གྱིས་མཆོད།། བྲུཾ་ཞེས་བྱ་བའི་རིག་སྔགས་བཟླས།། རྒྱལ་པོའི་བུ་མོ
172a5 དབང་དུ་འགྱུར། ། ལྷ་ཡི་བུ་མོ་ཀླུ་མོ་དང་།། མི་འམ་ཅི་ཡི་བུ་མོ་དང་།། བྲམ་ཟེའི་བུ་མོ་མཚན་ལྡན་མོ།། མཆོག་ཏུ་གཟུགས་བཟང་གུས་པར་འགྱུར།། བྲན་མོ་བཞིན་དུ་བསྒོ་བ་ཉན།། དེ་ལ་སོགས་པ་མཐའ་ཡས་མཆོག།
172a6 སྐུ་གཟུགས་དག་ལ་བརྟེན་ནས་གྲུབ།། མཆོད་པ་ཙམ་གྱིས་འབྱུང་བ་ཡིན།། གཞན་ཡང་ཚོགས་བདག་ཆེན་པོའི་སྐུ།། རིན་པོ་ཆེ་ཡི་རྒྱུ་ལས་བྱས།། དཀྱིལ་འཁོར་སྟེང་དུ་བཞུགས་བྱས་ཏེ།། རཏྣ་སིདྡྷི་ཞེས་བྱ་བའི།། རིག
172a7 པ་འབུམ་དུ་བཟླས་པ་བྱ། ། ས་འོག་གཏེར་རྣམས་སྟོན་པར་འགྱུར།། ཅི་དགའ་བར་ཡང་སྤྲོད་པར་འགྱུར།། ཚོགས་བདག་ཆེན་པོའི་རྒྱུད་ལས།། རྒྱལ་པོ་ལ་སོགས་པ་སྒྲུབ་པའི་ལེའུ་སྟེ་བཅུ་པའོ།།
iiif viewer powered by OpenSeadragon
