| e-texts navigator |
| Wylie |
171b1 བཞུགས། ། བདག་ཉིད་ཁྲུས་བྱས་ཤར་དུ་བལྟ།། ཛ་ར་བ་དང་རྐུན་མ་ནི།། གང་ཡིན་མེ་ལོང་ནང་དུ་འབྱུང་།། དེ་ཚེ་དེ་ཡི་ས་ངོས་ཟིན་འགྱུར།། ཚོགས་བདག་ཤེལ་གྱི་སྐུ་དེ་ནི།། མཆོད་པ་རབ་གསལ་ལེགས་བྱས་ལ།
171b2 ནཱརྠ་ཀུ་རྱེཞེས་བྱུང་འི།། རིག་པ་འབུམ་དུ་བཟླས་བྱས་ན།། ནཱད་དང་སྡུག་བསྔལ་གྱིས་ཞེན་པ།། སྐུ་དེ་བསྟན་པ་ཙམ་གྱིས་ནི།། ནད་རྣམས་ཐམས་ཅད་སོས་པར་འགྱུར།། སྡུག་བསྔལ་ལས་ཀྱང་ཐར་པར་འགྱུར།
171b3 ཞི་བ་ཆེན་པོའི་ཆོ་ག་ཡིན།། རིན་ཆེན་གསེར་ཞེས་བྱ་བ་ལ།། ཚོགས་བདག་ཆེན་པོའི་སྐུ་བྱས་ཏེ།། རྒྱལ་གྱི་ཉིན་པར་མིག་ཕྱེ་ནས།། མཆོད་དང་རབ་ཏུ་གནས་པ་བྱ།། བ་ར་ཞེས་བྱ་བའི་གསང་སྔགས་ནི།། འབུམ་ཕྲག
171b4 གཅིག་ཏུ་བཟླས་པ་ཡིས། ། སྐུ་གཟུགས་བཞུགས་པའི་ཁྱིམ་དེར་ནི།། ནོར་རྣམས་ཐམས་ཅད་འཕེལ་བར་འགྱུར།། གསེར་གྱི་ཚོགས་བདག་མཐོང་བ་ཡིས།། བགེགས་རྣམས་ཐམས་ཅད་ནོར་འབུལ་འགྱུར།།
171b5 བགེགས་ཀྱིས་གནོད་པ་མི་ནུས་ཏེ།། རྒྱལ་པོ་བཞིན་དུ་མཆོད་པར་འགྱུར།། གསེར་གྱི་ཚོགས་བདག་གནས་པ་ཡིས།། ས་ཕྱོགས་རིན་ཆེན་ཆར་པ་འབེབས།། གསེར་གྱི་ཚོགས་ཀྱི་བདག་པོ་ལ།། བགེགས་ཀྱི་རྒྱལ་པོ
171b6 ཐམས་ཅད་ཀྱིས། ། ནོར་རྣམས་ཐམས་ཅད་འབུལ་བ་ཡིན།། བདག་ཉིད་ཕུན་སུམ་ཚོགས་པར་འགྱུར།། ཚོགས་ཀྱི་བདག་པོའི་སྐུ་གཟུགས་མཆོག། བྱས་པའི་ཡོན་ཏན་རྣམས་ལ་ནི།། གནོད་སྦྱིན་རྣམས་ཀྱིས་གཏེར་ཁ
171b7 འབྱེད། ། སྐྱེ་བ་འདི་དང་ཕྱི་མ་ལ།། རྟག་ཏུ་ཡོ་བྱད་འཕེལ་བར་འགྱུར།། ནོར་གྱི་བདག་པོ་རྣམ་ཐོས་བུས།། རྒྱལ་བུ་བཞིན་དུ་བསྙེན་བཀུར་བྱེད།། དེ་ནས་དཔལ་ལྡན་ཚོགས་བདག་གི། སྐུ་གཟུགས་དཀྱིལ་འཁོར་ཆུ
iiif viewer powered by OpenSeadragon
