| e-texts navigator |
| Wylie |
171a1 བས་སྣ་ཚོགས་ཀྱིས། ། ཚོགས་བདག་ཆེན་པོ་མཆོད་པར་བྱ།། དེ་ལྟར་ཚོགས་ཀྱི་བདག་པོ་ལའོ།། ཚོགས་ཀྱི་བདག་པོའི་སྐུ་གཟུགས་ལག་པགཡས་པའི་མཐིལ་དུ་བཞུགས་ལ། སེམས
171a2 གཞན་དུ་མ་ཡེངས་པར་བཟླས་བརྗོད་འབུམ་བྱ་སྟེ། ལ་ཕུག་ལ་སྔགས་ཀྱིས་བཏབ་སྟེ་ཚོགས་ཀྱི་བདག་པོ་མཆོད་ན། ཚེ་འདི་ཉིད་ལ་འཁོར་ལོ་སྒྱུར་བའི་རྒྱལ་པོ་དང་བསོད་ནམས་མཉམ་པར་འགྱུར་རོ།། མེ་ཏོག
171a3 དཀར་པོས་མཆོད་ན་རྒྱལ་པོ་ལ་སོགས་པ་ཕམ་པར་མི་འགྱུར་རོ། ། རྒྱལ་པོ་ལ་སོགས་པ་སྒྲུབ་པར་འགྱུར་རོ།། རྒྱལ་པོ་དང་བློན་པོ་ལ་སོགས་པ་བདག་གི་དབང་དུ་འདུས་པར་འགྱུར་རོ།། དངོས་གྲུབ་སྒྲུབ་པའི་ཞལ་ཟས
171a4 བསྟན་པའི་ལེའུ་སྟེ་དགུ་པའོ། ། ། དེ་ནས་ཆོ་ག་བཤད་པར་བྱ།། དངུལ་ཞེས་བྱ་བའི་རིན་ཆེན་ལ།། ཚོགས་བདག་ཆེན་པོའི་གཟུགས་བྱས་ཏེ།། ཡིད་བཞིན་ནོར་བུ་ལག་ན་ཐོགས།། དཀྱིལ
171a5 འཁོར་ཆེན་པོ་ཁྲུ་གང་ཚད། ། རིན་ཆེན་མེ་ཏོག་དཀར་པོ་བཀྲམ།། གསང་སྔགས་པ་བུམ་དུ་བཟླས་བྱས་པས།། ནད་དང་སྡུག་བསྔལ་ཞི་བར་འགྱུར།། ཤེལ་དང་དུང་ལྔ་ཚོགས་བདག་སྐུ།། མཁས་པས་ཇི་ལྟར་འབྱོར་པར་བྱ།།
171a6 སྡུག་བསྔལ་ཐམས་ཅད་སེལ་བར་འགྱུར།། རིན་ཆེན་ཤེལ་ལས་ཚོགས་བདག་སྐུ།། མཐེ་བོང་གི་ནི་ཚད་ཙམ་བྱ།། སེ་ན་པྲ་ཞེས་བྱ་བའི་སྔགས།། རིག་པ་འབུམ་དུ་བཟླས་བྱས་ཏེ།། ཤེལ་གྱི་སྐུ་དེ་ཁྲུས་བྱས་ནས།། སྐར་མ་རྒྱལ
171a7 གྱི་ཉིན་པར་ནི། ། བདག་ཉིད་ཤར་དུ་ཁ་བལྟས་ནས།། གོས་དཀར་གྱོན་ཏེ་ཁྲུས་བྱས་ལ།། ཐལ་སྦྱར་ཡིད་ཀྱིས་གསོལ་བ་གདབ།། བདག་ལ་གནོད་པའི་བགེགས་གང་ཡིན།། ཤེལ་གྱི་སྐུ་དེ་མེ་ལོང་སྟེ།། མི་གཡོ་མི་འགུལ་རབ་ཏུ
iiif viewer powered by OpenSeadragon
