| e-texts navigator |
| Wylie |
170b1 གསལ་བའི་ཚེ། ། ནང་གི་ཆ་རིས་སྐུ་ཁྲུས་གསོལ།། གསལ་ཞིང་དང་ལ་ཡིད་དུ་འོང་།། དྲི་དང་ལྡན་པའི་བུམ་པ་ཡིས།། མེ་ཏོག་དཀར་པོའི་དྲི་ཡིས་ནི།། བདག་ཚལ་ལྡན་པས་ཁྲུས་བྱའོ།། དེ་ནས་དེ་མ་ཐག་ཏུ་ནི།།
170b2 དཀྱིལ་འཁོར་དབུས་སུ་སྤྱན་དྲངས་ལ།། མེ་ཏོག་དཀར་པོ་དབུལ་བར་བྱ།། ལ་ཕུག་ལ་དུར་བཅས་པ་ཡི།། གཏོར་མ་ཆེན་པོའང་དེ་ནས་དབུལ།། སྤོས་དང་དྲི་དང་མར་མེ་དང་།། ལྷ་བཤོས་དག་གིས་མཆོད་པར་བྱ།།
170b3 གསང་སྔགས་འདིས་ལ་ཕུག་དང་། ལ་དུ་དང་། ཆུ་དང་། དཀར་གསུམ་གྱི་གཏོར་མས་ཚོགས་ཀྱི་བདག་པོ་ལ་ཕུལ་ཏེ། སྤོས་དང་མེ་ཏོག་རྣམས་ཀྱང་དབུལ། དེ་ལྟར་བྱས་ན་ཕྱིས་བགེགས་བྱེད་པར་མི་ནུས་སོ།། ཚོག
170b4 ཀྱི་བདག་པོའི་མཆོད་པའི་ལེའུ་སྟེ་བརྒྱད་པའོ། ། ། དེ་ནས་ལ་ཕུག་ཅེས་བྱ་བ།། རོ་བརྒྱད་ལྡན་པའི་ཉུང་མ་སྟེ།། ཟས་རྣམས་ཀུན་གྱི་མཆོག་ཀྱང་ཡིན།། རོ་མཆོག་བརྒྱད་དང་ལྡན་པ་ཡི།། ཁ་དང
170b5 སྦྱར་དང་བསྐ་བ་དང་། ། མངར་དང་ཚ་དང་ལན་ཚྭའི་རོ།། བཞུན་དང་བྲོ་མཆོག་ཆེ་བ་ཡང་།། ནད་སྣ་བརྒྱད་ཀྱི་གཉེན་པོ་ཡིན།། མཁྲིས་པ་བད་ཀན་འདུས་པ་དང་།། ཁྲག་དང་ཆུ་སེར་མ་ཞུ་བ།། རླུང་དང་རིམས་ནད་ཀུན
170b6 ལ་ཕན། ། འདི་འདྲ་བྱུང་བའི་ཁ་ཟས་མེད།། ལྷ་རྣམས་ཀུན་གྱི་མཆུ་ཡང་འགུལ།། དངོས་གྲུབ་འགྲུབ་པའི་ཞལ་ཟས་ཡིན།། ཚོགས་ཀྱི་བདག་པོ་མཆོད་པར་བྱ།། ལ་རུ་ཞེས་བྱའི་ཞལ་ཟས་ནི།། མངར་གསུམ
170b7 འབྲས་བུ་གསུམ་པ་ནི། ། དེ་བཞིན་ཞིམ་པའི་སྤོས་ཀྱིས་བྲན།། བག་ཟན་གྱི་ནི་རིལ་བུ་བྱ།། འོ་མ་མར་དུ་བཅོས་བྱས་ལ།། ཚོགས་པའི་གཏོར་མ་ཆེན་པོ་བྱ།། མར་དང་འཁུར་བ་མངར་གསུམ་དང་།། མཐུན་པའི་ནལ
iiif viewer powered by OpenSeadragon
