| e-texts navigator |
| Wylie |
170a1 ཡི་གེ་ནི། ། དེ་ཡི་རྗེས་ལ་བྲི་བར་བྱ།། གསང་སྔགས་དྲག་པོའི་ཡི་གེ་ཡང་།། ཀུན་གྱི་མཐར་ནི་བརྗོད་པར་བྱ།། གསང་སྔགས་འདི་ཡི་དངོས་གྲུབ་ནི།། འཇིག་རྟེན་དབང་ཕྱུག་ཉིད་ཀྱིས་བྱིན།
170a2 དགོས་པ་ཐམས་ཅད་འགྲུབ་པར་འགྱུར།། ཚོགས་བདག་ཆེན་པོའི་གསང་སྔགས་བསྟན་པའི་ལེའུ་སྟེ་དྲུག་པའོ།། དེ་ནས་གཞན་ཡང་གསུངས་པ་ནི།། དངོས་གྲུབ་ཐམས་ཅད་སྒྲུབ་པ་ཡི།
170a3 མཚན་གྱི་གསང་སྔགས་ཞེས་བྱ་བའི།། དངོས་གྲུབ་སྒྲུབ་པའི་སྙིང་པོ་ནི།། དཔལ་དང་ཡཾ་གི་ཡི་གེ་སྟེ།། ཨོཾ་ཞེས་བྱ་བ་མགོ་ལ་གཞག། ཡིད་བཞིན་ནོར་བུའི་ཡི་གེ་ལས།། ཉི་མའི་ཡི་གེ་འོག་ཏུ་སྤྲས།། དབྱངས་ཡིག་དྲུག
170a4 པའི་འོག་ཏུ་སྦྱར། ། ཐིག་ལེ་ནཱ་དས་བརྒྱན་པར་བྱ།། མཚན་གྱི་དང་པོའི་ཡི་གེ་ནི།། དེ་ཡི་རྗེས་ལ་བརྗོད་པར་བྱ།། བཞི་པའི་ལྔ་པ་དེ་ནས་སྦྱར།། ལྔ་པའི་དང་པོ་བྲི་བར་བྱ།། དེ་བཞིན་གཤེགས་པའི་མཚན་དང་པོ།
170a5 འབྱུང་བ་རླུང་གི་ཡི་གེ་ཡང་།། དབྱངས་ཡིག་བརྒྱད་པས་བརྒྱན་པ་ནི།། དེ་ཡི་རྗེས་ལ་བྲི་བར་བྱ།། ཞི་བའི་ཡིག་འབྲུ་གཉིས་པ་ཡང་།། ཀུན་གྱི་མཐར་ནི་བརྗོད་པར་བྱ།། མཚན་གྱི་གསང་སྔགས་ཞེས་བྱ་བ།། འདོད་པ་ཐམས
170a6 ཅད་གྲུབ་བྱེད་ཡིན། ། མཚན་གྱི་གསང་སྔགས་བསྟན་པའི་ལེའུ་སྟེ་བདུན་པའོ།། ། དེ་ནས་གཞན་ཡང་བཤད་པར་བྱ།། སྐར་མ་རྒྱལ་གྱི་ཉིན་པར་ནི།། མེ་ཏོག་དཀར་པོའི་རྩ་བ་བླངས།། ཙན་དན
170a7 དཀར་པོ་དག་ལས་ནི། ། ཚོགས་ཀྱི་བདག་པོའི་སྐུ་གཟུགས་ནི།། མཐེ་བོང་གི་ནི་ཚད་ཙམ་བྱ།། གསུས་པ་ཆེ་ལ་ཕྱག་བཞི་པ།། མཁས་པས་བྱས་ཏེ་ལེགས་པར་བྱ།། རིན་པོ་ཆེ་ཡི་སྣོད་དུ་གཞུག། དཀར་ཆེན་མངོན་པར
iiif viewer powered by OpenSeadragon
