| e-texts navigator |
| Wylie |
169b1 གསུས་པ་ཆེ་བ། རྒྱན་ཐམས་ཅད་ཀྱིས་བརྒྱན་པ། ཟླ་བ་དང་བྱི་བའི་ཁྲིལ་བཞུགས་པ་མཁས་པས་བྱའོ།། དེ་ལ་དཀྱིལ་འཁོར་གྱི་དབུས་སུ་བདག་ལ་ཞལ་ཕྱོགས་པར་བཞག་ལ། བདག་ཉིད་ལོག་འཛིན
169b2 གྱི་གཟུགས་ཀྱིས་ཡང་དག་པར་མཆོད་དོ། ། ཚོགས་ཀྱི་བདག་པོ་ཞལ་གཅིག་ཕྱག་བཞི་པ་སྒྲུབ་པའི་ལེའུ་སྟེ་བཞི་པའོ།། ། དེ་ནས་དབང་ལྡན་གྱི་མཚམས་སུ་ཚོགས་ཀྱི་བདག་པོ་དཀར་པོ
169b3 གླང་པོ་ཆེའི་མགོ་ཅན། བྱི་བ་ལ་ཞོན་པ། མིག་གསུམ་པ། ཟླ་བ་ཕྱེད་པ་འཛིན་པ། གཡས་ན་ལ་ཕུག་དང་དགྲ་སྟ་འཛིན་པ། གཡོན་པ་ཏྲི་ཤཱུ་ལ་དང་ཐོད་པ་འཛིན་པ། ལག་པ་གཡོན་པ་ཁུ་ཚུར་བཅངས་པའི
169b4 མཛུབ་མོ་དང་གུང་མོ་བརྐྱང་ལ་མཛུབ་མོ་བཀུག་ལ་གུང་མོའི་ཚིགས་སུ་གཟུང་བར་བྱ་བ་ནི་ཚོགས་ཀྱི་བདག་པོའི་ཕྱག་རྒྱའོ། ། ཚོགས་ཀྱི་བདག་པོའི་ཕྱག་རྒྱ་བསྟན་པའི་ལེའུ་སྟེ་ལྔ་པའོ།། ། དེ་ནས་གསང
169b5 སྔགས་བསྟན་པ་ནི། ། ཨོཾ་ནི་དཔལ་ལྡན་མགོ་ལ་གཞག། དེ་ནས་ཡིད་བཞིན་ནོར་བུ་ནི།། རིན་པོ་ཆེ་ཡི་ཡི་གེ་བྲི།། སྡེ་ཚན་གསལ་བྱེད་དང་པོ་ཡང་།། དེ་ཡི་རྗེས་སུ་བྲི་བར་བྱ།། དེ་བཞིན་གཤེགས་པའི་མཚན་དང་པོ།།
169b6 དབྱངས་ཡིག་བརྒྱད་པས་མཛེས་པར་བྱ།། གསལ་བྱེད་དང་པོ་ཡི་གེ་ཡང་།། བློ་ཡིས་བླངས་ཏེ་ཡིད་ཀྱིས་བྲི།། སྡེ་ཚན་གསུམ་པའི་གསུམ་པ་ལ།། དང་པོའི་བཞི་པ་སྦྱར་བར་བྱ།། སྡེ་ཚན་བདུན་པའི་གསུམ་པ
169b7 ལ། ། གསུམ་པའི་དང་པོ་ས་འོག་ཏུ་སྦྱར།། ཡིད་བཞིན་ནོར་བུའི་ཡི་གེ་ལ།། བཞི་པའི་ལྔ་པ་ཟླ་བ་གཞག། དབྱངས་ཡིག་གསུམ་པས་བརྒྱན་པར་བྱ།། བཞི་པའི་གསུམ་པས་དེ་ནས་བརྗོད།། དངོས་གྲུབ་སྒྲུབ་པའི
iiif viewer powered by OpenSeadragon
