| e-texts navigator |
| Wylie |
169a1 དུས་གསུམ་དུ། ། གསང་སྔགས་བརྒྱ་ནི་རྩ་བརྒྱད་བཟླས།། ཡིད་ལ་རེ་བ་ཐམས་ཅད་རྫོགས།། བསམ་པ་ཐམས་ཅད་འགྲུབ་པར་འགྱུར།། ཨོཾ་ནི་བཀྲ་ཤིས་དཔལ་དང་ལྡན།། གསང་སྔགས་མགོ
169a2 ལ་གཞག་པར་བྱ། ། ཡིད་བཞིན་ནོར་བུ་ལྟ་བུ་ཡི།། དངོས་གྲུབ་སྟེར་བྱེད་ཡི་གེ་ཡང་།། དེ་འོག་གྲལ་ལ་གཞག་པར་བྱ།། ཉི་མ་ལྟ་བུའི་ཡི་གེ་ཡང་།། དེ་ཡི་རྗེས་ལ་བཀླག་པར་བྱ།། དེ་བཞིན་གཤེགས་པའི་མཚན་དང་པོ།།
169a3 ཡི་གེའི་མཆོག་ནི་བླང་བར་བྱ།། གསལ་བྱེད་ཡི་གེ་དང་པོ་ཡང་།། དེ་ཡི་མཇུག་ཏུ་བརྗོད་པར་བྱ།། རིན་ཆེན་ཡི་གེ་སྭཱ་ཞེས་བྱ།། ལས་ཀྱི་ཡི་གེ་ཧཱ་ཞེས་བྱ།། དངོས་གྲུབ་འདོད་པས་གསང་སྔགས་བཟླས།། ལྷ་ཆེན་དངོས་གྲུབ
169a4 སྒྲུབ་པའི་རྒྱུད་ལས། ལྷའི་དངོས་གྲུབ་ཀྱི་གསང་སྔགས་བསྟན་པའི་ལེའུ་སྟེ་གཉིས་པའོ།། དེ་ནས་ཚོགས་ཀྱི་བདག་པོ་བཤད།། ཚོགས་ཀྱི་བདག་པོ་སྐུ་མདོག་དཀར།། གླང་པོ་ཆེ་ཡི་མགོ
169a5 བི་ཅན། ། མཆེ་བ་ཡ་གཅིག་ཆག་པ་དང་།། ཕྱག་གཡས་ལ་ཕུག་བསྣམས་པ་དང་།། བྱི་བའི་གདན་ལ་བཅིབས་པ་དང་།། རིན་པོ་ཆེ་ཡིས་སྐུ་བརྒྱན་པ།། ཟླ་བ་ཚེས་པས་དབུ་བརྒྱན་པ།། འོད་གསལ་བ། འོད་ཟེར་འཕྲོ
169a6 བ། མདོག་བཟང་བ། ཁ་དོག་བཟང་བ། གསུས་པ་ཆེ་བ། རྒྱུན་གྱིས་སྤུད་པའོ།། དངོས་གྲུབ་སྒྲུབ་པའི་རྒྱུད་ལས། ཚོགས་ཀྱི་བདག་པོ་བསྟན་པའི་ལེའུ་སྟེ་གསུམ་པའོ།། དེ་ནས
169a7 སྐར་མ་རྒྱལ་གྱི་ཉིན་པར་མེ་ཏོག་དཀར་པོ་བླངས་ཏེ་ཚོགས་ཀྱི་བདག་པོའི་སྐུ་གཟུགས་བྲིས་ཏེ། ཁ་དོག་དཀར་པོ་གླང་པོ་ཆེའི་དབུ་ཅན་ཕྱག་གཡས་ན་ལ་ཕུག་བསྣམས་པ། གཡོན་པ་ན་རིན་པོ་ཆེའི་ནོར་བུ་བསྣམས་པ།
iiif viewer powered by OpenSeadragon
