| e-texts navigator |
| Wylie |
368b1 བཟང་པོ་འདི། ། ཧེ་ལའི་དཀྱིལ་འཁོར་རྒྱས་པ་ནི།། དེ་བས་བཟང་པོ་གཞན་མེད་པ།། ཇི་ལྟར་རིགས་པ་བཤད་པར་བྱ།། དང་པོར་ཧེ་ཞེས་གང་གསུངས་པ།། བསྐུལ་བའི་ས་བོན་ཐམས
368b2 ཅད་པའོ། ། དེ་ནི་ལེན་དང་འཛིན་པ་སྟེ།། ལས་ལ་མྱུར་དུ་བསྐུལ་བའོ།། དེ་བས་ཐོག་མར་བསྐུལ་བ་དང་།། དོན་བཞིན་དུ་ནི་བཟུང་བ་ལ།། ཁྲོ་བོ་ཡི་ནི་རྒྱལ་པོ་ཡི།། ཧེ་ལའི་དཀྱིལ
368b3 འཁོར་རིམ་བཞིན་བསྟན། ། ཧེ་ཧེ་ཧ་ཧ་ཧི་ཧི་ཧི་ཧི་ཧ་ཧ་ཧེ་ཧེ་གཉིས་སྦྱར་བ།། ཁྲོ་ཆེན་ཚིག་གི་ཐོ་ག་མར་སྦྱར།། ཟུང་ཞིག་པ་ཡི་ཚིག་གཉིས་པའོ།། ཟུང་དྲུག་འཁོར་ལོའི་མཐའ་མར
368b4 དགོད། ། མུ་རན་རྩིབས་ཀྱི་མིག་རྣམས་སུ།། སྔགས་ལས་འབྱུང་བའི་རེ་རེའོ།། དོན་རྣམས་ཐམས་ཅོད་སྒྲུབ་པར་འགྱུར།། བཅུ་གཉིས་དག་ཏུ་གསུངས་པའི་སྔགས།། གནས་སུ
368b5 ཇི་ལྟར་བཀོད་པ་དང་། ། ཇི་ལྟར་སྨོས་ཤིང་གང་གནས་པ།། སོ་སོའི་ལས་ལ་སྦྱར་བར་བྱ།། དེ་ནས་འདི་དག་བཀོད་པ་དེ།། སྔགས་རྣམས་བསྡུ་བ་ཚུལ་བཞིན་བཤད།། དེའི་ནང་མུ་རན
368b6 གསུམ་པོ་དང་། ། དབུས་ཀྱི་མུ་རན་བཟང་པོར་ལྡན།། མཐའ་ཡི་མུ་རན་དྲུག་པོ་དང་།། རྩིབས་ཀྱི་ཟུར་དྲུག་རབ་བཟང་ག། རབ་དབེན་འདུ་འཛི་མེད་པའི་སར།། ཆོ་ག་བཞིན་དུ་ལེགས
368b7 བྲིས་ནས། ། དེ་ཡི་གནས་སུ་སྦྱར་བ་དང་།། དེ་ཡི་གོ་རིམས་བཞིན་དུ་སྦྱར།། དེ་ཡི་ཚེམ་རྔམ་གསལ་བ་ཡི།། སྔགས་རྣམས་འདི་ནི་བསྡུ་བར་བྱ།། དབུས་སུ་དེ་བཞིན་གཤེགས་པ་ཡི།།
iiif viewer powered by OpenSeadragon
