| e-texts navigator |
| Wylie |
367b1 གཅིག་གིས། ། རབ་ཏུ་སྡང་བ་བྱ་བར་འགྱུར།། རྔེའུ་རིགས་ལ་ནི་ཞག་གཉིས་ཀྱིས།། དེ་སྟེང་ཙོག་པུར་འདུག་ནས་ནི།། དེ་བཞིན་མཛའ་དང་བྲལ་བར་བྱེད།། ཉིན་ཞག་གསུམ་དང
367b2 བཞི་དག་གིས། ། རྒྱལ་རིགས་དང་ནི་བྲམ་ཟེའོ།། ཇི་ལྟར་ཇི་སྐད་གསུངས་པ་ཡི།། ལས་ཀྱིས་བྱ་ཡི་གཞན་གྱིས་མིན།། གང་ཡང་རུང་བའི་གཟུགས་བརྙན་ནི།། དུར་ཁྲོད་སོལ་བས
367b3 ལེགས་པ་རུ། ། སྔ་མ་བཞིན་དུ་ལེགས་པར་བྲི།། དེ་ནས་སེང་ལྡེང་ཕུར་བུ་ལ།། སྔགས་ཀྱིས་སྟོང་དུ་བཟླས་བྱས་ནས།། དེ་ཡི་འོག་ཏུ་ལུས་ལ་གད་།། དགྲ་བོ་དེ་ཡི་མིང་སྨོས་ནས།།
367b4 དེ་ལ་ཁྲོས་པར་བྱས་ནས་སུ།། དེ་ནས་དེ་ཡི་སྙིང་ཁར་འདུག། ཕུར་བུ་བཏབ་སྟེ་བཟླས་བྱ་བ།། དེ་ཉིད་ལག་པས་བཟུང་ནས་སུ།། དུས་གསུམ་ཉི་མ་གསུམ་བྱས་ན།། དགྲ་བོ་གང་དུ
367b5 བཏབ་པ་དེར། ། གཟེར་ཐབས་དྲག་པོས་བཏབ་ནས་སུ།། འགུལ་མི་ཕོན་པ་ར་ས་ལ་ལྟུང་།། ཞག་བདུན་ལོན་ནས་འཆི་བར་འགྱུར།། མ་མོའི་གནས་སུ་སོང་ནས་སུ།། ལག་པས
367b6 བེ་ཅོམ་ཕྱག་རྒྱ་བཅིང་། ། ལག་པ་གཡོན་པའི་མཛུབ་མོ་ཡིས།། བསྡིགས་ཤིང་ཉི་མ་ནུབ་ནས་སུ།། ཁྲོས་ཤིང་དགྲ་ཡི་མིང་སྨོས་བཟླས།། དེ་ནས་དགྲ་བོ་མོ་གདོན་གྱིས།། ཟིན་ནས་སྤྱོད
367b7 པ་སྣ་ཚོགས་པས། ། འཆི་བར་འགྱུར་བ་དག་ནི་བྱེད།། དེ་ནས་སྒྲུབ་པོས་ཞི་བ་ཡི།། ཆོ་གས་དེ་ལ་ཞི་བར་བྱ།། མ་མོ་རྣམས་ཀྱི་མདུན་འདུག་ནས།། ཞི་བའི་ཆོ་ག་མཁས་པ་ཡིས།།
iiif viewer powered by OpenSeadragon
