| e-texts navigator |
| Wylie |
365b1 བདག་གི་དོན་མཆོག་གང་འདོད་པ།། ཤིན་ཏུ་ལེགས་པར་བསྒྲུབ་པར་བྱ།། ཁྲོ་བོ་རྣམ་པར་རྒྱལ་བའི་རྟོག་པ་ལས། གསང་བའི་རྟོག་པ་གཉིས་པའོ།། ཁྲོ་བོའི
365b2 རྒྱལ་པོའི་དངོས་གྲུབ་ནི། ། སྣ་ཚོགས་ཐོགས་མེད་ཐ་དད་པ།། སྔགས་པ་འདོད་ན་ཆོ་ག་མཆོག། དང་པོར་བྱས་ན་དངོས་གྲུབ་ཐོབ།། རབ་ཏུ་གསང་བའི་སྔགས་འདི་ནི།། རེ་ཞིག་འདི
365b3 ཡི་མཚན་ཉིད་ནི། ། གཞན་དག་འདིར་ནི་བཤད་པར་བྱ།། དེ་ཡི་ལས་ནི་གང་གསུངས་པ།། གང་དག་ཕྱིས་ཀྱང་གྲུབ་འགྱུར་བ།། དཔའ་བོ་གཅིག་པུ་འབའ་ཞིག་གིས།། ཐམས
365b4 ཅད་ཉིད་དེ་གང་གསུངས་པ། ། ཐམས་ཅད་དེ་ནི་བཤད་པར་བྱའོ།། སྔགས་དེ་ས་ལས་རྣམས་ཀུན་བྱས་པས།། རྒྱུད་ལ་དངོས་གྲུབ་གང་གསུངས་པ།། དཔའ་བོ་གཅིག་པུའི་མཐུས
365b5 ཀྱང་འགྲུབ། ། ཨོཾ་ནི་དེ་ཡི་ཐོག་མ་སྟེ།། བདེ་བར་གཤེགས་པའི་དམ་ཚིག་ཡིན།། ཐོག་མ་དང་ནི་གཉིས་པ་ཡང་།། དྲག་པོའི་རྩེག་གི་ཕུལ་བའི་ལུགས།། ཀླད་ཀྱི་འཁོར་གྱིས
365b6 མནན་པའི་རིགས། ། སྔགས་ཀྱི་ཡི་གེ་འཕྲེང་བཀོད་ལ།། སྔགས་རྣམས་ཐམས་ཅད་གསལ་བྱེད་པ།། ཁྲོ་བོའི་རྒྱལ་པོའི་སྙིང་ངོ་ནི།། གསུམ་པོ་དེ་ནས་སྦྱར་བར་བྱ།། དེ་ནས་ཁྲོ་བོའི་རྒྱལ་པོ
365b7 ཡི། ། སུ་ནི་དེ་ཡི་འོག་ཏུ་བསྟན།། སྔགས་པས་སྔགས་རྣམས་ཀུན་གྱི་མཚན།། དེ་དག་རྟག་ཏུ་རིག་པར་བྱ།། ཐོགས་པ་མེད་པའི་སྔགས་རྣམས་ནི།། བདག་ཉིད་ཆེན་པོ་ཐམས་ཅད
iiif viewer powered by OpenSeadragon
