| e-texts navigator |
| Wylie |
365a1 པས་བསྒྲིམས་ན་ནི། ། རྒྱས་པར་འདོད་ན་ཐོབ་པར་འགྱུར།། སླར་ཡང་དེ་བཞིན་ཤེས་བྱ་བ།། བཟློག་སྟེ་བྱ་བ་གཞན་དུ་མེད།། གྲུབ་པ་བདག་ཉིད་ཆེན་པོ་ཡི།། ཚམ
365a2 རྔམ་རིམ་པ་དྲུག་གསུངས་པ། ། དང་པོའི་མིང་ནི་ལོག་པར་ཕྱོགས།། དེ་ཡི་འོག་མ་རྒྱབ་ཀྱིས་ཕྱོགས།། དེ་བཞིན་ཚ་མཇམ་གསུམ་པ་ནི།། ཁྲོ་བོ་ཆེ་ཞེས་བསྒྲགས་པ་ཡིན།། བཞི་པ་མཛུབ
365a3 མོ་བསྒྲེང་བ་ཡིས། ། ལྔ་པ་ལ་ནི་སྟོབས་ཞེས་བྱ།། དྲུག་པ་སྟོབས་པོ་ཆེ་ཞེས་བྱ།། འདི་རྣམས་ཚམ་རྔམ་དྲུག་ཏུ་བསྒྲགས།། ཚམ་རྔ་མ་དངས་པ་བྱས་པ་ཡིས།། དགྲ་ཡི་འཁོར་རྣམས་གཡེན
365a4 སྤྱོ་བ། ། འཁོར་ལོའི་མཆོག་ལ་གོམས་བྱེད་པས།། གྲགས་པ་ཆེན་པོ་ཐོབ་པར་འགྱུར།། ཁྲོ་བོ་ཆེན་པོས་གསུངས་པ་ཡིས།། རབ་གསུངས་པ་ཡི་རྒྱུད་འདི་དཀོན།། ཁྲོ་བོ་རྣམ་པར་རྒྱལ་བ
365a5 འདི། ། དེ་བས་ཡང་ནི་ཤིན་ཏུ་དཀོན།། གསང་བའི་རྟོག་པ་བཟང་པོ་འདི།། ཀུན་ཏུ་དངོས་གྲུབ་ཀུན་སྦྱིན་པར།། གསང་བའི་རྟོག་པ་དེ་བས་ཀྱང་།། འཁོར་ལོ་འདི་ནི་ཤིན་ཏུ་དཀོན།།
365a6 ཧོམ་དང་ལྡན་པ་ཡོང་མི་དགོས།། སྔོན་དུ་བསྟེན་པ་བྱ་མི་དགོས།། ཁྲོ་བོའི་རྒྱལ་པོའི་བརྟུལ་ཞུགས་དང་།། དཀའ་ཐུབ་དྲག་པོའང་བྱ་མི་དགོས།། བསམ་གཏན་སྦྱོར་བའང་མི་དགོས་ཏེ།
365a7 གང་ལ་འཁོར་ལོ་འབའ་ཞིག་ཡོད།། གང་གསུངས་པ་ཡི་དངོས་གྲུབ་ནས།། དེ་མ་ཐག་ཏུ་དངོས་གྲུབ་ཐོབ།། དེ་བསང་ནི་ནི་གསང་བྱས་ནས།། ཐམས་ཅད་སྒྲུབ་པའི་སྒྲུབ་པ་པོས།།
iiif viewer powered by OpenSeadragon
