| e-texts navigator |
| Wylie |
363a1 ལན་ཅིག་བྱས་པ་ཙམ་གྱིས་འགྱུར།། ས་བོན་གཉིས་པ་དེ་ལས་ཀྱང་།། དྲག་པོ་རྩལ་གྱིས་སྤོས་ནས་དེ།། ཁྲོ་བོ་ཆེན་པོ་མིག་རྩ་དམར།། གནས་ནི་གསུམ་པ་ལ་གནས
363a2 ཏེ། ། གཡོན་པའི་གནོན་པས་མནན་པས་ནི།། དྲག་པོ་ཤུགས་ཅན་མ་ལུས་མནན།། ཁ་དང་བརླ་དང་རྒྱབ་ཀྱང་བསྒྱུར།། དྲིལ་བུ་དཀྲོལ་བའི་སྒྲ་མྱུར་འགྱུར།། ཕྱིས་ཀྱང་རིམ་གྱིས་འདི་ལ
363a3 གནས། ། ལོགས་ཤིག་ཁྲོ་བོའི་འཁོར་ལོའི་བཀས།། རྐང་པའི་ཚམ་རྔ་མ་དེ་བཞིན་བྱས།། གདོང་ཡང་དལ་བུས་བསྒྱུར་ནས་སུ།། དང་པོའི་ས་བོན་གང་ཡིན་པའི།། དབང་དུ་བྱེད་ལ་རྒྱས་པར
363a4 འགྱུར། ། དེ་ཡི་མཐའ་ཡང་ལྷན་ཅིག་ཏུ།། མེ་དང་འདྲ་བ་འབར་བ་སྟེ།། ཀུན་གྱིས་ལས་ནི་གྲུབ་འདོད་ན།། ཤིན་ཏུ་ལེགས་པར་སྦྱར་བར་བྱེད།། དེ་ཡི་ཟུང་མས་བསྐུལ་བ་ཡང་།། སོ་སོའམ
363a5 གཅིག་ཏུའང་རུང་བར་བཤད། ། ཁྲོ་བོ་ཡི་ནི་འཁོར་ལོའི་མཐུ།། བརྒྱད་པ་དག་ལས་མྱུར་བར་གནས།། རིམ་པ་སྔ་མའི་ཚུལ་གྱིས་ནི།། ཁོན་པའི་ས་བོན་དག་གིས་བསྐུལ།། ས་བོན
363a6 ཟུང་མས་བསྐུལ་བ་ཡང་། ། བརྒྱད་པ་འབྱེད་པར་སྒྲུབ་པ་ལ།། མཛའ་བམྱུར་དུ་བཟློག་པའི་ཕྱིར།། ཆོ་ག་བཞིན་དུ་རིམ་པར་སྦྱར།། རིམ་པ་སྔ་མའི་ཚུལ་བཞིན་དུ།། མྱུར་དུ་གསད་པར
363a7 འདོད་པ་ཡིས། ཁྲོ་བོ་ཡི་ནི་འཁོར་ལོ་གནས།། དགུག་པ་ཨཱ་བི་ཙ་ར་ཡི།། ཆོ་ག་འདི་ཡིས་དགྲ་བོ་དག། མྱོས་པར་བྱས་ནས་འཇིག་པར་འགྱུར།། ལྷ་རྣམས་ཀྱིས་ནི་སྦས་པ་ཡང་།། གཤེད
iiif viewer powered by OpenSeadragon
