| e-texts navigator |
| Wylie |
362b1 འདི་ནི་ཅི་རིགས་པར། ། སྦྱར་བར་བྱ་བ་འདི་བཤད་དོ།། ས་བོན་ཞེས་བྱ་དཀྱིལ་འཁོར་གཞག། ཁྲོ་བོ་དག་ནི་སོ་སོ་རུ།། དབང་དང་ཁོན་དང་གསད་པ་དང་།། དེ་བཞིན་བསྐྲད་དང་ཞི་བ
362b2 དང་། ། ཡང་ན་རྒྱས་པར་བྱ་བའི་ཕྱིར།། ཟུང་དང་བསྣོལ་བས་མྱུར་དུ་འགྲུབ།། ཁྲོ་བོ་ཞེས་བྱའི་དཀྱིལ་འཁོར་ནི།། དཀྱིལ་དུ་བཞག་སྟེ་སོ་སོ་རུ།། ཟུང་ཞིག་ཚིག་གཉིས་ཐ་མར་གཞག།
362b3 ཆེ་གེ་མོ་ཞིག་དབང་དུ་བྱོས།། མཚོན་ཆ་མེད་པའི་ས་བོན་གཞག། སྭཱ་ཧཱའི་ཚིག་ནི་བར་བར་གཞུག། བསྒྲུབ་པར་བྱ་བའི་གཟུགས་བྱས་ནས།། དེ་ལ་རྐང་པས་བརྫི་ནི།། སྔགས
362b4 པས་འགྲེང་སྟེ་འདུག་པ་ནི། ། རྐང་སྐྱོ་བ་ཡི་བར་དུ་བྱ།། རྒྱལ་པོ་དབང་དུ་མ་གྱུར་པ།། དེ་ཡི་དབང་དུ་མྱུར་དུ་འགྱུར།། གཅིག་པུ་དེ་ལ་སྤོས་ནས་སུ།། མྱུར་དུ་གོ་རིམས་བཞིན་གཞག་པའོ།།
362b5 ས་བོན་གཉིས་པའི་གནས་ལ་ནི།། གནས་ནས་གདོང་ཡང་བསྒྱུར་ནས་སུ།། ཟུང་ཞིག་ཚིག་གཉིས་མཐའ་མར་གཞག། ཆེ་གེ་མོ་ཡི་མཛའ་བོ་དེ།། སྡང་བར་གྱུར་ཅེས་མཐའ་མར་བྱ།།
362b6 སྐྲག་པར་བྱ་བ་ཅུང་ཟད་མེད།། བསྒྲུབ་པར་བྱ་བ་གཉིས་ཀ་ཡི།། གཟུགས་ནི་འཇིགས་པའི་ལས་བྱེད་དེ།། གཅིག་ཏུ་དཔའ་བར་མཉམ་ལྡན་པར།། གཉིས་ཀ་ལ་ཡང་རྐང་པས་མནན།།
362b7 སྔགས་མཁན་དེ་ལ་གནས་པ་ཡིས།། མེལ་ཚེ་ཐུན་ནི་ཕྱེད་ཙམ་གྱིས།། དེ་ནས་སྒྲུབ་པ་འདོད་པ་བཞིན།། དེ་གཉིས་ཕན་ཚུན་དགྲར་གྱུར་པས།། ཁྲོ་བོ་རིམ་བཞིན་བསྒོམས་པས་ནི།།
iiif viewer powered by OpenSeadragon
