| e-texts navigator |
| Wylie |
360b1 ཚིག་གཉིས་ལྡན། ། ཞལ་ཡང་གདངས་ཤིང་འབར་བ་ཅན།། སྙིང་པོ་དག་པར་རབ་ཏུ་གཞག། མཚོན་ཆ་འདེབས་པའི་མཐུ་རྟུལ་ཅན།། དེ་ལྟར་ཁྲོ་བོ་རྒྱལ་བའི་གཟུགས།། ས་བོན་ཞེས
360b2 སུ་བྱ་བ་ཡི། ། སྔགས་ཀྱི་དངོས་པོ་ཤེས་ནས་ནི།། སྔགས་པས་དངོས་གྲུབ་ཐོབ་པར་འགྱུར།། མཚོན་ཆ་བ་ཕངས་པ་ཙམ་གྱིས་ནི།། དེ་ཡིས་ཀུན་ཏུ་བསྲུང་བར་བྱ།། ས་བོན་བཀོད་པའི
360b3 ཚུལ་བཞིན་དུ། ། བདག་གི་ལུས་ལ་སྦྱར་བར་བྱ།། གཟུགས་ནི་གཟུགས་ལ་བཞག་ནས་སུ།། མཚོན་ཆ་དེ་ཉིད་ལག་ན་ཐོགས།། ས་བོན་རྣམས་ཀྱང་ཁར་བཞག་སྟེ།། རྐང་པ་གཉིས་ཀྱང
360b4 ཚམ་རྔམ་བྱ། ། དེ་ནས་ཀུན་ཏུ་ཁྲོས་ནས་སུ།། རང་གི་ས་བོན་ད་གོད་པར་བྱ།། ཐོག་མ་བདག་ལ་མ་ཡེངས་པར།། བསྲུང་བ་དེ་ལྟར་བྱས་ནས་སུ།། དཀྱིལ་འཁོར་དུ་ནི་སྤྱན་དྲངས་ཏེ།། དེ་ནས
360b5 མདུན་དུ་མཆོད་པ་བྱ། ། སྔགས་ཀྱི་སྙིང་པོ་ཐ་མ་ལ།། ཚུལ་གཤེགས་པ་ཡི་ཚིག་གཉིས་དང་།། རྟག་ཏུ་ལྡན་པར་བྱས་ནས་སུ།། སྤྱན་དྲང་བ་དག་བྱ་བར་བཤད།། མེ་ཏོག་དག་གི་གདན
360b6 འདི་ལ། ། བཞུགས་སུ་གསོལ་ཞེས་རྟག་ཏུ་བྱ།། དེ་ལྟ་བུ་ནི་སྤྱན་དྲངས་ནས།། མེ་ཏོག་དག་གིས་སྔ་མ་བཞིན།། བཞུགས་ཤིག་པ་ཡི་ཚིག་གཉིས་ཀྱིས།། ཆོ་ག་བཞིན་དུ་བཞུགས
360b7 སུ་གསོལ། ། ཁྲོ་བོའི་རྒྱལ་པོ་དེ་ལ་ནི།། བཞུགས་པར་བྱ་བ་བསྟན་པ་ཡིན།། མེ་ཏོག་སྔགས་ཀྱིས་བཏབ་པ་ཡིས།། དེ་ལྟར་བཞུགས་པར་བྱས་ནས་སུ།། ཨརྒ་འདི་ནི་བ་ཞེས་ཤིག
iiif viewer powered by OpenSeadragon
