| e-texts navigator |
| Wylie |
357b1 པོར་ངེས་པར་འགྱུར། ། རལ་གྲི་མཆོག་དེ་བྱ་བ་ཡང་།། སོར་ནི་སུམ་ཅུ་རྩ་གཉིས་ཤིང་།། ཡན་ལག་ཐམས་ཅད་ཡོངས་རྫོགས་པ།། བསྒྲུབ་པར་བྱ་བ་སོ་ཡི་རྡོ།། དེ་ལྟར་ཆོ་ག་ཕྱི་མ་ཡང་།།
357b2 མདོར་ནི་ལེགས་པར་བཤད་པ་ཡིན།། ལག་པ་གཡས་པའི་སོར་མོ་ཡིས།། མཐེ་བོང་སྦས་ནས་གྱེན་དུ་ནི།། བསྒྲེང་བར་བྱས་པའི་ཕྱག་རྒྱ་ཡི།། བེ་ཅོན་ཞེས་ནི་བསྒྲགས་པ་ཡིན།། ཧ་ཉིད
357b3 ཀྱིས་ནི་སྔགས་ལྡན་པར། ། ལས་རྣམས་ཀུན་ལ་བཅིང་བར་བྱ།། སྤྱན་དྲང་བ་དང་མཆོད་པ་དང་།། གཤེགས་སུ་གསོལ་དང་བཞུགས་པ་དང་།། ལས་རྣམས་བྱ་བའི་ཚེ་དག་དང་།། གཞན
357b4 ཡང་དགོས་པ་འབྱུང་བའི་ཚེ། ། ཚུལ་བཞིན་ཕྱག་རྒྱ་འདི་བཅིངས་ནས།། གཤིན་རྗེ་གཤེད་ཀྱི་ལྷ་བཟླས་སོ།། སྔགས་པ་རྒྱལ་པོའི་དྲུང་སོང་ནས།། མགོ་བཏུད་པུས་མོ་བཙུགས་ནས་སུ།།
357b5 བདག་ཉིད་དང་ནི་ནོར་བཅས་པར།། གདོན་མི་ཟ་བར་མྱུར་དུ་འགྲུབ།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་རྒྱུད་ཆེན་པོ་ཐམས་ཅད་ཀྱི་ཕྱི་མའི་ཡང་ཕྱི་མ་ལས། བཅོམ་ལྡན
357b6 འདས་འཇམ་དཔལ་གཤིན་རྗེ་གཤེད་ཀྱི་གསལ་ཤིང་ཁྲོ་བོ་རྣམ་པར་རྒྱལ་བའི་ཆོ་ག་ཞིབ་མོ་ཕྱི་མའི་ཡང་ཕྱི་མ་གསང་བ་བཅུ་བདུན་པ་གསལ་ཤིང་གི་རྒྱུད་རྫོགས་སོ། ། ། ཨོཾ་ཨ
357b7 ཀྲོ་དྷེ་ཀ་ཡ་མནྟ་ཀ་ཧཱུཾ་པཱུ་ཧཱུཾ་ཕཊ་ཕཊ་ཕཊ་སྭཱ་ཧཱ། འདིའང་བཅོམ་ལྡན་འདས་ཀྱི་སྔགས་གཞན་ནོ།། ཨོཾ་ཨཱཿཧཱུཾ། འདིབང་གཞན་ནོ།། ཡི་གེ་བཅུ་གཅིག་རྒྱལ་པོ་ཡི།། དེ་ཉིད་བཟླས་པས་གྲུབ
iiif viewer powered by OpenSeadragon
