| e-texts navigator |
| Wylie |
357a1 སྒྲ་ཡི་པིར་དག་གིས། ། དེ་ནས་དེ་ཡི་ལུས་དག་དང་།། མིག་ཀྱང་རབ་ཏུ་བསལ་བར་བྱ།། དེ་ལ་བགེགས་ཀྱང་མང་དུ་འགྱུར།། དེ་ནི་དཔའ་བོས་བཤད་པར་གསུངས།།
357a2 དཔའ་བོ་དག་གི་ལས་ཀྱང་བྱ།། དེ་ཡི་འོག་ཏུ་བཟོ་བོ་ལ།། དཔའ་བོ་དག་གིས་ཡོན་ཡང་དབུལ།། དེ་ཉིད་ཡོངས་སུ་རྫོགས་པར་ནི།། གྱུར་ཀྱི་བར་ཏུ་ཚུལ་བཞིན་གྱིས།། ཐ་མར་དཔའ་བོ་གཅིག
357a3 པུ་དེ། ། རི་མོ་མཚན་མོར་རབ་འབར་རམ།། ཡང་ན་དགོད་དམ་གཡོ་ཡང་རུང་།། དེ་ནས་དངོས་གྲུབ་ཐོབ་པར་བཤད།། རི་མོ་དེ་ནི་བླངས་པ་ཡིས།། ནམ་མཁར་འ་ཕར་བ་གདོན་མི་ཟ།། དཔལ
357a4 ལྡན་ཐོགས་པ་མེད་པར་གྲོ། ། མཚན་མོ་ཉི་མ་བཞིན་དུ་འབར།། དཔའ་བོ་དག་གིས་སྒྲུབ་པ་འདི།། རིག་འཛིན་ཀུན་གྱི་ཐོག་མར་འགྲོ།། གྲུབ་པ་དེ་ལ་ལྔ་རྣམས་ཀྱང་།། གདོན་མི་ཟ་བར་ཕྱག
357a5 འཚལ་འགྱུར། ། རིག་འཛིན་རྣམས་ནི་ཐམས་ཅད་ཀུན།། ཀུན་ཏུ་བཀུར་བའི་རྒྱལ་པོར་འགྱུར།། ཡང་ན་ཆོག་ཤེས་པའི་རྒྱལ།། རི་མོ་ཞི་བ་སྔོན་བཞིན་དུ།། བླངས་ཏེ་བསྲེགས་པའི་སྟེང
357a6 དུ་གཞག། དེ་ནས་བསྲེགས་པ་དེ་འདུག་ནས།། གཅིག་པུ་རལ་གྲི་བླངས་ནས་སུ།། མཚན་མོ་གཤིན་རྗེ་གཤེད་བཟླས་པ།། འབར་བར་འགྱུར་གྱི་བར་དུའམ།། དུ་བའམ་ཚ་བའི་བར་དུ
357a7 བཟླས། ། འབར་བར་གྱུར་པ་དཔལ་དང་ལྡན།། རིག་འཛིན་དུ་ནི་དེ་འགྱུར་རོ།། དུ་བབྱུང་བས་མི་སྣང་བ།། ནམ་མཁར་འགྲོ་བའི་མཆོག་ཏུ་འགྱུར།། དེ་ཚེ་ཚ་བར་གྱུར་ན་ནི།། ས་ཡི་རྒྱལ
iiif viewer powered by OpenSeadragon
