| e-texts navigator |
| Wylie |
356b1 རི་མོ་བཀྲམ་ནས་སུ། ། ཁ་ཟས་མི་ཟ་སྟན་གཅིག་འདུག། ཁྲི་ཡི་གྲངས་ཚད་བཟླས་བྱས་ནས།། དེ་ནས་བུད་མེད་གཟུགས་མཆོག་ལྡན།། བཟང་པོ་རྣམས་ནི་སྒོར་ཕྱུང་ནས།། སྒྲུབ་པ་དེ་ཡི་མདུན
356b2 དུ་ནི། ། ནང་དུ་གཤེགས་ཤེས་དགའ་བར་བྱེད།། དེ་ནས་གྲོགས་པོ་ཡིད་གཅུགས་དང་།། སྒྲུབ་པ་པོ་ནི་ལྷན་ཅིག་ཏུ།། ངེས་པར་དམ་ཚིག་དག་གིས་ནི།། དེ་ཡི་གནས་སུ་འཇུག་པར་བྱ།། དེ
356b3 བཞིན་ཇི་ལྟར་འདོད་པ་རུ། ། གནོད་སྦྱིན་མ་ཡི་མིང་རྣམས་དང་།། ཤ་ཟ་མོ་འམ་དྲི་ཟ་མོ།། ཡང་ན་གང་འདོད་པ་ཡི་ལྷའི།། མིང་བྲིས་དེ་ཡི་མདུན་བཞག་ནས།། རི་མོ་ལ་ནི་ཉིན་རེ་ཞིང་།། དེ་ཡི
356b4 ཚིག་ནི་མཐར་སྦྱར་ནས། ། མི་སྐྱོ་བར་ནི་འབུམ་བཟླས་ན།། སྒྲུབ་པ་པོ་དེས་འཇིགས་འགྱུར་ནས།། དེ་དག་ཐམས་ཅད་འོང་བར་འགྱུར།། སྒྲུབ་པོ་ཇི་སྲིད་འདོད་པར་ནི།། འདི་རུ་ཁས་རྣམས
356b5 བྱེད་པར་འགྱུར། ། ལྷ་རྣམས་དག་ནི་ཐམས་ཅད་ཀྱང་།། གནོད་སྦྱིན་ལ་སོགས་བསྒྲུབ་བཤད་ཟིན།། འདི་ཡི་ཆོ་ག་ཕྱི་མ་ཡི།། ཕྱི་མ་དག་ཀྱང་བཤད་པར་བྱ།། རི་མཆོག་དག་གི་རྩེ་མོ་ལ།།
356b6 ཡིདགས་མང་བའི་དཀྱིལ་འཁོར་བྲི།། ཡི་དགས་དཀྱིལ་འཁོར་བྲིས་ནས་ཀྱང་།། ཀུན་ལ་ཤ་ཡི་གཏོར་མ་བྱ།། གྲོགས་པོ་སེམས་ནི་དཔའ་བ་དང་།། ཡོན་ཏན་ལྡན་ཞིང་བཟོ་བ་དང་།། མི་རོའི་གོས
356b7 ལ་བྲིས་པ་ཡི། ། རི་མོ་བཞག་ལ་དེ་ནས་སུ།། བདག་གི་ཡན་ལག་ཐམས་ཅད་ལས།། རུས་པ་དག་གིས་ཁྲག་ཕྱུང་སྟེ།། མི་ཡི་ཐོད་པའི་ནང་དུ་གཞག། ལུས་ལ་ཁྲག་ནི་ཅི་ཕྱིན་པ།། མི་རོའི
iiif viewer powered by OpenSeadragon
