| e-texts navigator |
| Wylie |
355b1 པ་དང་ནི་རྨོངས་པ་དང་། ། དེ་མ་ཐག་ཏུ་འབབ་པར་བྱེད།། ཤིང་རྟའམ་ཡང་ན་གྲུ་དག་དང་།། གྲང་པོ་མྱོས་པ་གནོན་པར་ནུས།། ཕ་རོལ་དཔུང་དག་འབྲུག་པར་བྱེད།། ཡུལ་ཕྱོགས་མྱུར་དུ་རྨོངས
355b2 པར་ནུས། ། ཁྲོས་ནས་ས་ཡང་གཡོ་བར་བྱེད།། གླིང་དང་ནགས་ཚལ་སྲེག་པར་ནུས།། དེ་ནི་གང་བའི་མཚོ་ཡང་སྐེམས།། བསྐམས་པ་དག་ཀྱང་འགེངས་པར་ནུས།། སྤྲིན་ཡང་ལེགས་པར
355b3 གནོན་པར་ནུས། ། ཆར་པ་དག་ཀྱང་འབེབས་པར་བྱེད།། དུས་མིན་ཆར་ཡང་འབེབས་པར་ནུས།། ཀླུ་ཡི་བདག་པོ་དག་ཀྱང་འགུགས།། དེ་ནི་ནག་པོས་ཟིན་པ་ཡང་།། མཐོང་བའམ་ཡང
355b4 ན་སྤྲིན་ཙམ་གྱིས། ། འགུགས་པར་བྱེད་དེ་ཐེ་ཚོམ་མེད།། སེར་བ་དང་ནི་སོལ་བའི་ཆར།། དེ་མ་ཐག་ཏུ་འབེབས་པར་ནུས།། འབྲས་བུ་མེ་ཏོག་མཆོག་རྣམས་དང་།། ཡལ་ག་དག་གིས་བརྒྱན
355b5 པའི་ཤིང་། ། བལྟས་པའམ་ཡང་ན་རྡོ་འཕངས་པས།། གློ་བུར་དུ་ཡང་འགྱེལ་བར་བྱེད།། དེ་ནི་སྦྱར་བ་ཙམ་གྱིས་སུ།། ས་ཡི་འོག་ཀྱང་འཁྲུག་པར་བྱེད།། དེ་བཞིན་ལྷ་དང་མི་རྣམས་ལ།།
355b6 གནོད་པ་ཆེན་པོ་འབྱུང་བར་བྱེད།། ཁྲོ་བོའི་རྒྱལ་པོ་འདི་ཡི་ནི།། ངེས་པར་དབང་དུ་མི་འགྱུར་བའི།། དངོས་པོ་འདས་དང་ད་ལྟར་དང་།། ཕྱིས་འབྱུང་བ་དག་གང་ཡང་མེད།། མྱ་དེ་གྲུབ་པར་མ་གྱུར
355b7 ཀྱང་། ། མཐོང་བ་ཙམ་མམ་ཚིག་གིས་ཀྱང་།། དུག་དང་རིམས་དང་གནོན་རྣམས་སོགས།། ཞི་བར་བྱེད་པའི་མཆོག་ཏུ་འགྱུར།། དབང་དུ་བྱེད་དང་དབྱེ་བ་དང་།། གསད་དང་བསྐྲད་པར་བྱ་བ་དང་།
iiif viewer powered by OpenSeadragon
