| e-texts navigator |
| Wylie |
354a1 འདི་མནོས་ནས་སུ། ། མི་རོ་དག་གི་གོས་བླངས་ནས།། དེ་ལ་དེ་ཡི་གཟུགས་ཀྱང་བྲི།། དེ་ནས་ཚོན་ཅི་སྦྱིན་མེད་པས།། བཟང་པོ་སྔ་མ་བཞིན་དུ་བྱ།། བཟང་པོ་ཁྲུ
354a2 གང་ཚད་དུ་བྱ། ། ཡང་ན་ཁྲུ་བཞིའི་ཚད་དུ་བྱ།། གང་ཚེ་སྔགས་པ་བདག་ཉིད་ཀྱིས།། བྲི་བར་མི་ནུས་དེ་ཡི་ཚེ།། བཟོ་བོ་སྨྱུང་བ་བྱས་པ་ནི།། ཁྲིམས་མནོས་པ་དག་འདྲི་རུ་གཞུག། ཤི
354a3 བའི་རོ་ཡི་སྟེང་དུ་བཞུགས། ། ཕྱག་ནི་བཅོ་བརྒྱད་རྣམས་ཀྱིས་བརྒྱན།། ཞལ་དྲུག་ཞབས་ཀྱང་དྲུག་ཏུ་བསྟན།། འཇིགས་པ་གནོན་པ་འཇིགས་འཇིགས་ལྟ།། ཁ་ཅིག་བཞད་ཅིང་ཁ
354a4 ཅིག་ནི། ། ལྗགས་འདྲིལ་ཁ་ཅིག་མཆེ་བ་གཙིགས།། ཁ་ཅིག་ཞལ་གདངས་ཁ་ཅིག་ཁྲོས། ཁ་ཅིག་འཇིགས་པ་ཕ་རོལ་གནོན།། ཁྲོ་བོ་དེ་འདྲའི་ཞལ་འདྲ་བ།། སྨིན་མཚམས་སེ་ར་ལ་སྤྱན
354a5 ཡང་སེར། ། ཇི་སྐད་གསུངས་པའི་མཚོན་ཆ་རྣམས།། ཕྱག་ན་བསྣམས་པ་བྲི་བར་བྱ།། དབེན་ཞིང་འདུ་འཛི་མེད་པ་རུ།། སྔགས་པས་དེ་ལྟར་འདིར་གཞུག་གོ།། དེ་ལྟར་བྲིས་ནས་སྔགས
354a6 མཁན་དེ། ། རི་མོ་ལ་ནི་བལྟས་ནས་འདུག། ཆོ་ག་ཤེས་པས་འབུམ་པཟླས་ཏེ།། རི་མོ་བྲིས་པས་དེ་ཉིད་ཀྱིས།། དེ་ནས་བསྒྲུབ་ལ་འཇུག་པར་བྱ།། གཤིན་རྗེ་གཤེད་པོ་དེ་ཡི་སྔགས།།
354a7 དྲག་པོ་གང་ཡིན་དེ་བཤད་དོ།། ཡོན་དེ་ཡི་དང་པོ་ཡིན།། ཨ་ཞེས་བྱ་བ་གཉིས་པ་ཡིན།། པོ་ཞེས་བྱ་བ་གསུམ་པ་སྟེ།། ཎི་ཞེས་བྱ་བ་བཞི་པ་ཡིན།། ཀ་ཞེས་བྱ་བ་ལྔ་པ་ཡིན།། ཡེ་ཞེས
iiif viewer powered by OpenSeadragon
