| e-texts navigator |
| Wylie |
351a1 ཙམ་གྱིས་འགྲུབ། ། དངོས་གྲུབ་ཐམས་ཅད་རབ་ཏུ་སྟེར།། སངས་རྒྱས་ཀུན་གྱིས་མངོན་པར་བསྟོད།། དེ་ནི་རྟག་པར་བཟླས་ན་ནི།། དངོས་གྲུབ་ཐམས་ཅད་སྟེར་བར་བཤད།
351a2 དུར་ཁྲོད་གནས་སུ་རྟག་པར་ནི།། རྟག་ཏུ་ཟློས་པ་ཆོ་ག་འདིས།། ལྷ་དང་ལྷ་མིན་དྲི་ཟ་དང་།། གནོད་སྦྱིན་སྲིན་པོ་ཀླུ་ཡི་རིགས།། དཔག་ཚད་བདུན་ནི་ཁོར་ཡུག་ཏུ།། དེ་ཡི་གཟིས་ནི་འབྱེར་བར
351a3 འགྱུར། ། ཁྲོ་བོ་གཤིན་རྗེ་གཤེད་མཛད་པ།། ཞལ་དྲུག་ཧཱུཾ་གི་སྔགས་འདི་ནི།། གང་ཞིག་སྨོས་པ་བྱེད་པ་ནི།། འགྲོ་དང་མི་འགྲོ་འཇིག་རྟེན་ན།། དེ་ལ་དཀའ་བ་ཅུང་ཟད་མེད།། ཞལ་དྲུག་ཧཱུཾ
351a4 ཞེས་བྱ་བའི་སྔགས། ། ཤཱུ་ལ་ཕྱག་རྒྱ་ལྡན་པ་ནི།། ཁྲོ་བོ་རྣམ་རྒྱལ་རྒྱུད་འདི་ལ།། དེ་ནི་གྲུབ་པར་རབ་ཏུ་བསྒྲགས།། དུར་ཁྲོད་གནས་སུ་ཆོ་ག་བཞིན།། དེ་ཡི་སྔོན་དུ་བསྙེན་པ་ནི།། ཐོག་མ་ཉིད
351a5 དུ་ཚིག་འབུམ་བྱ། ། དེ་ནས་རྟག་པའི་ཆོ་གར་སྤྱད།། རྟག་པར་སྤྱོད་པའི་ཆོ་ག་ཡིས།། དེ་ནས་ཚིག་འབུམ་བཟླས་ནས་ཀྱང་།། དེ་འོག་ཇི་སྐད་གསུངས་པ་ཡི།། ལས་རྣམས་ཀྱིས་ནི་སྒྲུབ་ལ་འཇུག
351a6 རྫ་བའི་རྟོག་པའི་ཆོ་ག་ཡིས། ། དེ་ནས་ཐམས་ཅད་ལས་གྲུབ་པར།། ཞལ་དྲུག་ཧཱུཾ་ཞེས་བྱ་བ་ཡི།། ཆོ་ག་འདིར་ནི་མདོར་བཤད་པ།། འཇམ་དཔལ་ལས་བྱུང་ཁྲོ་བོ་ནི།། ཧཱུཾ་ཞེས་བྱ་བའི་ཞལ་ཉིད
351a7 ཡིན། ། གཤིན་རྗེ་གཤེད་ཅེས་བྱ་བར་གྲགས།། འདི་ལ་དཀའ་བའང་ཅི་ཡང་མེད།། ཁྲོ་བོ་ཞལ་ནས་མདོ་རུ་ནི།། ཆོ་ག་བཟང་པོ་ཅི་གསུངས་པའི།། ཆོ་ག་དེ་བཞིན་བདག་གིས་བཤད།།
iiif viewer powered by OpenSeadragon
