| e-texts navigator |
| Wylie |
350a1 གཤིན་རྗེ་གཤེད་ནི་བློས་བྱེད་ན།། དེ་ལས་དེ་ཡི་དབང་པོ་དང་།། གཡོ་དང་མི་གཡོ་འཇིག་རྟེན་རྣམས།། བྱང་ཆུབ་སེམས་ལྡན་དེ་ཡི་ནི།། དབང་དུ་འགྱུར་བ་གདོན་མི་ཟ།
350a2 འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས། གཤིན་རྗེ་རབ་ཏུ་འཇོམས་པའི་ཡི་གེ་འབྲུ་གཅིག་པའི་བརྟུལ་ཞུགས་རིམ་པར་ཕྱེ་བ་སྟེ་བཅུ་གསུམ་པའོ།།
350a3 ། དེ་ནས་གཞན་ཡང་བརྟུལ་ཞུགས་ཀྱིས།། སྒྲུབ་པའི་ལས་རྣམས་བཤད་པར་བྱ།། དངོས་གྲུབ་མཆོག་རྣམས་ཐམས་ཅད་ནི།། གཤིན་རྗེ་རབ་ཏུ་འཇོམས་པ་འདི།། བརྟུལ
350a4 ཞུགས་དག་ནི་འདི་ཉིད་ཀྱིས། ། རྣམ་པ་ཀུན་ཏུ་བསྒྲུབ་པར་བྱ།། ཕལ་ཆེར་དངོས་གྲུབ་མཆོག་རྣམས་ནི།། བརྟུལ་ཞུགས་མེད་པས་མི་འགྲུབ་སྟེ།། དེ་བས་གཤིན་རྗེ་འཇོམས་པ་ཡི།། བརྟུལ
350a5 ཞུགས་སྤྱད་པ་བྱས་ནས་སུ། ། དངོས་གྲུབ་མཆོག་རྣམས་ལེགས་པར་བསྒྲུབ།། མཁས་པས་གཞན་ལམ་ཡིན་ནོ།། ཇི་སྐད་བསྟན་པའི་མཚོན་ཆ་རྣམས།། རྩ་བའི་རྟོག་པའི་ཆོ་ག་བཞིན།
350a6 སྔགས་རིག་སྦྱོར་བ་སྔ་མ་བཞིན།། དེ་དག་རྟག་ཏུ་ལེགས་པར་བསྒྲུབ།། དེ་ལ་འདིར་ནི་རྟོག་པ་རུ།། དུར་ཁྲོད་གནས་པའི་དཀྱིལ་འཁོར་ནི།། དངོས་གྲུབ་ཐམས་ཅད་རབ་སྦྱིན་པ།། བྱེ་བྲག
350a7 ཏུ་ནི་ལོགས་ཤིག་གསུངས། ། རལ་གྲིས་འོག་རོ་ལངས་དང་།། མིག་འཕྲུལ་ཨནྡ་གི་ལུ་ཐང་དང་།། ཡུང་ཀར་བ་བླ་བཙག་རྣམས་དང་།། གཞན་ཡང་ལས་དག་ཅི་འདོད་དང་།། མི་སྣང་བ་དང
iiif viewer powered by OpenSeadragon
