| e-texts navigator |
| Wylie |
347b1 པའི་རིམ་པར་ཕྱེ་སྟེ་བཅུ་གཅིག་པའོ། ། དེ་ནས་དེ་ཡི་རི་མོ་མཆོག། སྒྲུབ་པ་པོ་ཡིས་བྲི་བར་བྱ།། ཇི་སྐད་གསུངས་པའི་ལས་རྣམས་བྱའི།། བཟླས་པའི་ལས་ནི་རབ་ཏུ་བྱ།
347b2 རས་ཕྲན་ཁྲུ་གང་ཙམ་པོ་ནི།། བཟང་པོ་གསར་པ་བཀྲུས་པ་ལ།། ཚོན་རྩི་དཀར་པོ་སྦྱིན་མེད་པས།། གཤིན་རྗེ་རབ་ཏུ་འཇོམས་པ་བྲི།། ཞལ་དྲུག་དབུ་ཡང་གྱེན་དུ་བརྗེས།། དེ་ཡང་སྤྱན་གསུམ
347b3 འཇིགས་འཇིགས་ལྟར། ། ཁྲོས་པའི་ཕྱག་ཀྱང་བཅོ་བརྒྱད་པ།། ཞབས་རྣམས་རབ་ཏུ་གསལ་བ་དྲུག། གཟིག་གི་པགས་པ་ན་བཟར་གསོལ།། ཚུལ་བཞིན་ཡི་དགས་སྟེང་ན་བཞུགས།། ཤུ
347b4 ལ་རལ་གྲི་འཁོར་ལོ་དང་། ། དགྲ་སྟ་མཆོག་ཀྱང་སྦྱིན་པའི་ཕྱག། ལྕགས་མདའ་བེ་ཅོན་རྡོ་རྗེ་དང་།། མདའ་བོ་ཆེ་ཡང་བསྣམས་པ་ནི།། གཡས་པའི་ཕྱག་སྟེ་གཡོན་པ་ན།། དབྱུག་ཏོ་ཞགས་པ་གཤོལ
347b5 དང་གཞུ། ། ཐོད་པ་ལྕགས་ཀྱུ་མདུང་ཐུང་དང་།། རྩེ་གསུམ་གདེངས་དང་དེ་བཞིན་བསྡིགས།། དེ་ལྟར་ཇི་སྐད་གསུངས་པའི་གཟུགས།། བུང་བ་དང་ནི་སྤྲིན་འདྲ་བ།། བྲིས་ནས་དེ་ཡང་ལེགས་པར
347b6 སྦ། ཡིད་དུ་འོང་བའི་གནས་དག་ཏུ།། བཞག་ནས་བཟླས་པ་དག་ཀྱང་བྱ།། བཟླས་པའི་ཆོ་ག་འདིར་བཤད་དོ།། རིག་པ་འཛིན་པས་རྟག་པ་རུ།། འབར་བའི་སྔགས་ཀྱིས་ཁྲུས་བྱའོ།།
347b7 བདུད་རྩི་འབྱུང་བའི་སྔགས་ཀྱིས་ནི།། ཐོག་མར་ཚུལ་བཞིན་ཁ་བཀྲུས་ནས།། བདག་གི་ལུས་ལ་སྔགས་ཤེས་པས།། དེ་ནས་བསྲུང་བ་ལེགས་པར་བྱ།། དེ་ཡི་འོག་ཏུ་ཆོ་ག་བཞིན།། མཁས
iiif viewer powered by OpenSeadragon
