| e-texts navigator |
| Wylie |
346b1 དེ་ཡི་འོག་ཏུ་མཁས་པ་ཡིས། ། དུར་ཁྲོད་གནས་སུ་སློབ་མ་གཟུང་།། ཁྲོ་བོ་གཤིན་རྗེ་གཤེད་བྱེད་པ།། ཧཱུཾ་གི་ཞལ་ནི་ཟློས་ཤིང་གཟུང་།། བཙུན་ནས་དེ་ཡི་སྙིང་བར་ནི།། ཧཱུཾ་ཞེས་བྱ་བ་གཞག
346b2 པར་བྱ། ། དེ་ནས་ཤུ་ལའི་ཕྱག་རྒྱ་ནི།། རས་ཀྱིས་གཡོགས་ཏེ་བཅིང་བར་བྱ།། སློབ་མ་དག་ལ་ལེགས་བསྟན་ནས།། དེ་ཡང་མཆོད་པ་བྱེད་དུ་གཞུག། དེ་ནས་གཤིན་རྗེ་རབ་འཇོམས་པའི།།
346b3 ཁྲོ་བོ་མངོན་པར་དབང་བསྐུར་ནས།། འཇམ་དཔལ་ཁྲོ་བོ་གཤིན་རྗེ་གཤེད།། དེ་ཡི་ཡི་གེ་འབྲུ་གཅིག་སྦྱིན།། དེ་ནས་མཆོད་པ་ཡང་བྱས་ནས།། ཁྲོ་བོ་དེ་ནི་གཤེགས་སུ་གསོལ།། ཤུལ་ཕྱག
346b4 རྒྱ་བཅིངས་ནས་སུ། ། དེ་བཞིན་རྟག་པར་གཤེགས་སུ་གསོལ།། ཁྲོ་བོ་སྤྱན་ནི་དྲང་བ་དག། ཤུ་ལའི་ཕྱག་རྒྱ་ལྡན་པར་བྱ།། དཀོན་མཆོག་གསུམ་ལ་ཕྱག་འཚལ་ནས།། ཤུལ་རབ་ཏུ་བསྟན
346b5 པར་བྱ། ། མཁས་པས་ལག་པ་གཉིས་དག་གིས།། སོར་མོ་ཕན་ཚུན་བསྣོལ་ནས་སུ།། གུང་མོའི་སོར་མོ་མཆོག་གཉིས་ནི།། དབུས་ནས་གྱེན་དུ་བསྒྲེང་ནས་གཞག། སྲིན་ལག་གཉིས་ནི་ནང་དུ
346b6 བཅུག། མཛུབ་མོ་གཉིས་ཀྱི་ནང་དུ་གཞག། དེ་ལྟར་དེ་གཉིས་བསྒྲེང་ནས་ནི།། ལྷག་མ་རྣམས་ནི་ལེགས་པར་བྱ།། གཤིན་རྗེ་གཤེད་ཀྱི་ཕྱག་རྒྱ་འདི། ཤུ་ལའི་ཕྱག་རྒྱ་ཞེས་གྲགས་པའོ།།
346b7 འདི་ཡི་ལས་རྣམས་ཐམས་ཅད་ནི།། རྣམ་པར་དཔྱད་པ་མེད་པར་བྱ།། དེ་ནས་གཞན་ཡང་རིམ་པ་བཞིན།། གཤིན་རྗེ་རབ་ཏུ་འཇོམས་པ་འདི།། སྔགས་རྣམས་ཐམས་ཅད་མ་ལུས་པ།། དཀྱིས
iiif viewer powered by OpenSeadragon
