| e-texts navigator |
| Wylie |
345a1 མཆོད་པ་ཡན་ལག་མཆོག་གིས་མཆོད།། སྔགས་པ་བརྟུལ་ཞུགས་བརྟན་པ་ནི།། དེ་ཡི་འོག་ཏུ་བྲག་ཕུག་ཞུགས།། རི་མོའི་སྤྱན་སྔར་འདུག་ནས་སུ།། ཁ་ཟས་ཟབ
345a2 དག་སྤངས་ནས། ། རི་དབང་དེ་ནི་ཇི་ཙམ་དུ།། གཡོ་བར་འགྱུར་གྱི་བར་དུ་བཟླས།། ཡང་ན་ཁྲོ་བོ་གཤིན་རྗེ་གཤེད།། བཞད་དམ་གཡོས་ཀྱི་བར་དུ་བཟླས།། ཡང་ན་རབ་ཏུ་འབར་གྱི་བར།། བཟླས
345a3 ན་དེ་ཚེ་དངོས་གྲུབ་འཐོབ། ། དེ་ལྟར་ལྷ་འདི་བཟླས་པ་ཡི།། དངོས་གྲུབ་ཡ་མཚན་དེ་ཡིན་ནོ།། དེ་ནས་རིག་འཛིན་དཔལ་དང་ལྡན།། གྲུབ་པར་འདོད་རྣམས་ཀུན་བསྒྲུབས་པ།། ཅི་བསམས་པ
345a4 ནི་དེ་དག་ཀུན། ། རིང་པོར་མི་ཐོགས་འབྱོར་པར་འགྱུར།། ཁྲོས་ནས་ཡང་འགས་པར་འགྱུར།། ཆུ་དག་ཀྱང་ནི་སྐམས་པར་འགྱུར།། རི་རྣམས་ཐམས་ཅད་སྙིལ་བར་ནུས།། རྒྱ་མཚོ་དག་ཀྱང
345a5 སྐམས་པར་བྱེད། ། དེ་ལ་སོགས་པའི་ལས་རྣམས་ནི།། ཡ་མཚན་ཆེན་པོ་ཐམས་ཅད་དང་།། སེམས་ཅན་རྣམས་ནི་ཐམས་ཅད་ལ།། ཕན་པ་རྣམ་པ་སྣ་ཚོགས་བྱེད།། ཆོ་ག་སྔ་མ་གསུང
345a6 པ་ཀུན། ། ཆོ་ག་སྔ་མ་བཞིན་དུ་བསྒྲུབ།། བསྒྲུབས་ནས་སེམས་ཅན་ཐམས་ཅད་ལ།། འབྲས་བུ་མཆོག་རྣམས་སྦྱིན་པར་བྱ།། གྲུབ་པའི་མཐུ་ནི་གང་ཡོད་པ།། བདེར་གཤེགས་བསམས
345a7 ན་དེ་དག་ཀུན། ། འཇུངས་པ་མེད་པའི་བསམ་པ་ཡིས།། སྐྱེ་བོ་འཕོངས་པ་རྣམས་ལ་སྦྱིན།། སྙིང་རྗེ་ཅན་གྱིས་བདག་གི་ལུས།། འའོངས་པ་དག་ལ་རྟག་ཏུ་སྦྱིན།། དེ་ལྟར་སྦྱིན་པའི
iiif viewer powered by OpenSeadragon
