| e-texts navigator |
| Wylie |
344a1 ། བསྲེགས་ནས་ས་ཡི་བདག་པོ་ལ།། ནོར་བཅས་དག་ནི་ཐོབ་པར་འགྱུར།། དུར་བའི་འཇག་མ་མ་གྲུགས་པ།། ན་མ་སྭཱ་ཧཱ་མཐར་ལྡན་པས།། འོ་མ་ལས་བསྙུགས་བསྲེགས
344a2 ན་ནི། ། མི་ཡི་ཚེ་ནི་རིང་བར་འགྱུར།། དེ་བཞིན་མར་དང་སྦྲང་རྩི་དག། འབར་བའི་མེ་ལ་རྟག་ཏུ་སྲེག། གདོན་མི་ཟ་བར་མྱུར་བ་རུ།། ཡིད་གཞུངས་པར་ཡང་ཐོབ་པར་འགྱུར།། རྒྱ་སྐྱེགས་ཤིང་གི་མེ
344a3 དགལ། ། དེ་བཞིན་ཉིན་རེ་མར་གྱི་ཧོམ།། བྱས་ན་ཚེ་དང་ཡིད་གཞུངས་གྲགས།། རྒྱས་དང་སྟོབས་དང་གཟི་བརྗིད་དང་།། དྲན་དང་དགའ་དང་མདངས་བཟང་དང་།། དཔལ་དང་སེམས་པའི་དངོས་གྲུབ
344a4 དག། འཐོབ་པར་འགྱུར་བ་གདོན་མི་ཟ།། དེ་བཞིན་ཟས་རྣམས་ཀུན་བསྲེགས་པས།། གཟི་དང་རྒྱས་དང་སྟོབས་དང་གྲགས།། འདོད་པ་ཐམས་ཅད་ཕུན་སུམ་ཚོགས།། འཐོབ་པར་འགྱུར་བ་གདོན་མི
344a5 ། ། ཇི་ལྟར་ཆོ་ག་ཕྱི་མ་ལས།། ཕལ་ཆེར་འཇམ་དབྱངས་ཁྲོ་བོ་ཡི།། པདྨའི་ཞལ་ནས་ངེས་འབྱུང་བ།། དེ་དག་མདོར་བསྡུས་བཤད་པ་ཡིན།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་གཤིན
344a6 རྗེགཤེད་རྣམ་པར་རྒྱལ་བའི་ཆོ་ག་ཞིབ་མོ་ཀུན་གྱི་ཕྱི་མ་ལས། འཕགས་པ་འཇམ་དཔལ་གྱི་ཁྲོ་བོའི་ཆོ་ག་ཞི་པ་མོ་ཕྱི་མ་རིམ་པར་བྱེ་བ་སྟེ་དགུ་པ་རྫོགས་སོ།། ། དེ་ནས་ཆོ་ག་ཐམས་ཅད་ཀྱི།
344a7 ཕྱི་མའི་ཕྱི་མ་ཞེས་བྱ་བ།། སྦྱོར་བར་བཅས་ཤིང་རྒྱས་པ་ཡི།། ཆོ་ག་ད་ནི་བཤད་པར་བྱ།། ཡི་གེ་བཅུ་བདུན་སྔགས་ཀྱི་ནི།། དཔའ་བོ་བརྟུལ་ཞུགས་བཟང་པོ་དང་།། དེ་མཞིན་སྔོན་དུ་བསྟེན
iiif viewer powered by OpenSeadragon
