| e-texts navigator |
| Wylie |
343a1 བཟླས་ཤིང་བཟླས་པས་ཆོ་ག་བཞིན།། འཇམ་དཔལ་ཁྲོ་བོའི་སྤྱན་སྔར་ནི།། འོ་མས་གང་བའི་སྣོད་དུ་དབུལ།། སྟོང་གིས་རབ་ཏུ་རྒྱས་པར་འགྱུར།། སྙིང་ལ་རབ
343a2 ཏུ་དགའ་འགྱུར་བའི། ། རྒྱས་པ་དེ་དག་བྱ་འདོད་ན།། གང་ཡང་རུང་བ་དེ་ཡི་མིང་།། ཆོ་ག་བཞིན་དུ་ཐ་མར་སྦྱར།། མཁས་པས་རྒྱས་པར་གྱུར་ཅིག་ཅེས།། དེ་མཐར་བཤད་པ་སྦྱར་ནས
343a3 སྭ། ། མེ་ཏོག་ཡིད་དུ་འོང་བ་རྣམས།། འོ་མར་བླུགས་པས་རྒྱས་པར་བྱ།། དེ་ནས་གཞན་ཡང་དཔལ་འདོད་པ།། དེར་ཡང་སྔ་མ་བཞིན་དུ་ནི།། ཙན་དན་དཀར་པོས་བསྐུས་པ་ཡི།། མེ་ཏོག
343a4 ཡིད་དུ་འོང་བས་མཆོད། ། ཨ་ཀར་ནག་པོ་བཟང་པོ་ཡི།། བདུག་པ་དག་ཀྱང་སྔགས་ཀྱིས་དབུལ།། ཉིན་རེ་དེ་ལྟར་བྱས་ནས་སུ།། ཆོ་ག་བཞིན་དུ་བཟླས་པ་བྱ།། དཔལ་ནི་བདག་ལ་སྩོལ་ཅིག
343a5 ཅེས། ། མཐའ་མ་དག་ཏུ་སྦྱར་ནས་སུ།། དེ་ནས་ན་མཿསྭཱ་བཱར་ལྡན།། ཆོ་ག་སྔོན་བཞིན་ཁྲི་བཟླས་ཏེ།། དེ་ནས་རྒྱ་མཚོར་རབ་འགྲོ་བའི།། ཀླུང་གི་འགྲམ་དུ་སོང་ནས་ནི།། ལྟེ་བ་ནུབ་པར་ཆུར
343a6 འདུག་ནས། ། མེ་ཏོག་པུཎྜ་རི་ཀ་ནི།། ཙན་དན་དཀར་པོས་བསྐུས་ནས་ནི།། བཟླས་ཤིང་བཟླས་ཤིང་ཆུར་འབུལ་བ།། བློ་དང་ལྡན་པས་འབུལ་བྱས་ན།། དེ་ཡི་མཇུག་ཏུ་དཔལ་ཆེན
343a7 འཐོབ། ། ཡང་ན་པདྨོ་དམར་པོ་ནི།། ཙན་དན་དམར་པོས་བསླུས་ནས་ནི།། གལ་ཏེ་དེ་རུ་ཕུལ་ན་ནི།། དེ་ནས་དེ་ཡི་མཐའ་མ་རུ།། ལས་འདི་དག་གིས་ངེས་པར་ནི།། མི་ཟད་པ་ཡི་གཏེར
iiif viewer powered by OpenSeadragon
